Aı boıy partııalar joba-josparlaryn usyndy, elmen etene aralasty, qoǵamdaǵy máselelermen tanysty. Halyq partııalardyń múmkindikterin baǵamdap, saralap baryp, óz tańdaýlaryn jasady. Al saıası naýqannyń ádil ótýin beıtarap baıqaýshylar nazarlarynda ustady.
Saılaý ýchaskelerine kelgen azamattardyń dene qyzýy ólshenip, edende belgilengen jolaq boıymen daýys berýge ótip jatty. Ýchaskelerdiń músheleri baıqaýshylar, tehnıkalyq qyzmetkerler PTR testiden ótken.
Saılaý erejesin birdi-ekili buzǵandar bolmasa, bálendeı daý-damaılar bolǵan joq. Jergilikti baıqaýshylardan bólek Shyǵys Qazaqstan óńirine shetelden de baıqaýshylar kelgen. Olardyń ekeýi Eýropadan bolsa, altaýy TMD elderinen edi.
Saıası naýqanda jaýapkershilikpen óz tańdaýyn jasaǵandardyń eń úlkeni 100 jastaǵy keıýana – Haýa Bulanbaeva bolsa, eń jasy 18-ge jýyqta ǵana tolǵan Eńilik Kárimova edi. Úıinde otyryp, daýys bergen Haýa áje «Ádil saılaý bolsyn! bar bolaıyq, baı bolaıyq, zaman tilegine saı bolaıyq!», dep aq batasyn berdi. Al tuńǵysh ret saılaýǵa qatysqan Eńilik Káribaeva syı-sııapatqa ıe boldy.
Shyǵys Qazaqstan oblysy
