«Saılaý aldyndaǵy úgit-nasıhat jumystary kezinde barlyǵy ne isteı alatyndyǵyn múmkindiginshe kórsetti. Bul saılaý ádil jáne ashyq ótedi dep senemin. Daýystar ádil sanalady dep senemin. Biraq másele tek úmit kútýde emes, sonymen birge bizdiń saılaýǵa qatysýymyzǵa da baılanysty. Prosestiń tikeleı qatysýshysy retinde biz saılaýdy qalaǵan jolmen ótkizýge kúsh salyp, óz úlesimizdi qosýǵa mindettimiz. Árıne biz óz partııamyzǵa berilgen barlyq daýystardy qorǵaýǵa múddelimiz. «Aq jol» partııasynyń Májiliske ótetinine kúmándanbaımyn. Sonymen qatar bul máselege halyq, ıaǵnı saılaýshylar óz núktesin qoıady», dedi «Aq jol» partııasynyń tóraǵasy Azat Perýashev.
«Aq jol» demokratııalyq partııasynan Parlament Májilisi depýtattyǵyna 38, al barlyq óńirdegi máslıhattar depýtattyǵyna 703 adam úmitker retinde tirkeldi.
