2013 jylǵy 12 qazan, Astana, Úkimet Úıi
«Aýyl sharýashylyǵy ósimdikterin sorttyq synaqtan ótkizý erejesin bekitý týraly» Qazaqstan Respýblıkasy Úkimetiniń 2008 jylǵy 28 tamyzdaǵy № 780 qaýlysyna tolyqtyrýlar engizý týraly
Qazaqstan Respýblıkasynyń Úkimeti qaýly etedi:
1. «Aýyl sharýashylyǵy ósimdikterin sorttyq synaqtan ótkizý erejesin bekitý týraly» Qazaqstan Respýblıkasy Úkimetiniń 2008 jylǵy 28 tamyzdaǵy № 780 qaýlysyna (Qazaqstan Respýblıkasynyń PÚAJ-y, 2008 j., № 35, 382-qujat) mynadaı tolyqtyrýlar engizilsin:
kórsetilgen qaýlymen bekitilgen Aýyl sharýashylyǵy ósimdikterin sorttyq synaqtan ótkizý erejesinde:
12-tarmaq mynadaı mazmundaǵy ekinshi bólikpen tolyqtyrylsyn: «Usynylǵan seleksııalyq jetistik ataýynyń durystyǵyn tekserýdi memlekettik komıssııalar saraptamalyq uıymnan ótinim materıaldary kelip túsken kúnnen bastap eki aı merzimde júzege asyrady.»;
14-tarmaq mynadaı mazmundaǵy ekinshi bólikpen tolyqtyrylsyn:
«Eger kórsetilgen merzim ishinde ótinim berýshi kórsetilgen talaptarǵa sáıkes keletin jańa ataý usynbasa ne apellıasııalyq keńeste seleksııalyq jetistiktiń ataýyn maquldaýdan bas tartýdy daýlamasa, ýákiletti organ seleksııalyq jetistikti tirkeýden bas tartady.».
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
