«О́tken jyldyń áleýmettik-ekonomıkalyq damý qorytyndylary jáne bıylǵy jylǵa arnalǵan mindetter osy aıdyń sońynda Memleket basshysy Qasym-Jomart Kemeluly Toqaevtyń tóraǵalyǵymen ótetin Úkimettiń keńeıtilgen otyrysynda qaralatyn bolady. Jalpy, pandemııanyń eleýli áserine jáne jahandyq ekonomıkalyq daǵdarysqa qaramastan, Qazaqstannyń ekonomıkasy turaqty ekenin kórsetti», - dedi Asqar Mamın.
Onyń aıtýynsha, naqty sektordaǵy negizgi salalar, sonyń ishinde óńdeý ónerkásibi, qurylys jáne aýyl sharýashylyǵy salalaryndaǵy ósim – ekonomıkanyń turaqty bolýynyń basty faktorlaryna aınaldy.
«Atap aıtqanda, óńdeý ónerkásibinde ósim 3,9 paıyzǵa, onyń ishinde metallýrgııa óndirisinde – 2,6, tamaq ónimderiniń óndirisinde – 4, farmasevtıkada – 47, daıyn metall buıymdarynyń óndirisinde – 19,7, mashına jasaýda – 16,3, onyń ishinde avtomobıl jasaýda – 52,5, sondaı-aq qaǵaz ónimderiniń óndirisinde – 16,4 jáne jeńil ónerkásipte 15 paıyzǵa ósim qamtamasyz etildi. Qurylys kólemi 11,2 paıyzǵa artty. 15,3 mln sharshy metr turǵyn úı paıdalanýǵa berilip, bul kórsetkish 16,8 paıyzǵa artty. Osyndaı joǵary kórsetkish buryn bolmaǵanyń atap ótý qajet. Aýyl sharýashylyǵynda turaqty ósý 5,6% paıyz deńgeıinde qamtamasyz etildi», dedi ol.
