Ekonomıkanyń, bank salasynyń jaı-kúıi, respýblıkalyq bıýdjettiń atqarylýy, memlekettik satyp alýdaǵy jergilikti qamtý týraly ulttyq ekonomıka mınıstri R. Dálenov, Ulttyq bank tóraǵasy E. Dosaev, qarjy mınıstri E. Jamaýbaev, ónerkásip pen energetıka sektoryndaǵy ahýal týraly ındýstrııa jáne ınfraqurylymdyq damý mınıstri B. Atamqulov jáne energetıka mınıstri N. Noǵaev, agroónerkásiptik keshendegi jaǵdaı týraly aýyl sharýashylyǵy mınıstri S. Omarov baıandady.
2020 jyly óńdeý ónerkásibin, qurylysty, aýyl sharýashylyǵyn qosa alǵanda, naqty sektordaǵy ósim Qazaqstannyń ulttyq ekonomıkasy turaqtylyǵynyń negizgi faktoryna aınaldy. Máselen, óńdeý ónerkásibinde 3,9%-ǵa, onyń ishinde metallýrgııa óndirisinde 2,6%-ǵa, azyq-túlik ónimderi óndirisinde 4%-ǵa, farmasevtıkada 47%-ǵa, mashına jasaýda 16,3%-ǵa, onyń ishinde avtomobıl jasaýda 52,5%-ǵa, sondaı-aq jeńil ónerkásipte 15%-ǵa ósim qamtamasyz etildi.
Qurylys kólemi 11,2%-ǵa, turǵyn úıdi paıdalanýǵa berý 16,8%-ǵa nemese shamamen 15,3 mln sharshy metrge ulǵaıdy. Aýyl sharýashylyǵynda 5,6%-ǵa turaqty ósim qamtamasyz etildi.
OPEK+ qol jetkizilgen ýaǵdalastyqtardy oryndaý qajettiligi aıasynda taý-ken óndirisi salasynda shekteýli dınamıka baıqalady. Sala boıynsha NKI 12 aıdyń qorytyndysy boıynsha -3,7%-dy qurady.
QR altyn-valıýta rezervteri men Ulttyq qordyń aktıvteri 2020 jylǵy 31 jeltoqsanda $94,4 mlrd qurap, bir jyl ishinde $3,6 mlrd-qa ulǵaıdy.
Ekonomıkanyń turaqtylyǵy jumyssyzdyq deńgeıin 5%-ǵa deıingi dıapazonda ustap turýǵa jáne halyqtyń naqty kiristeriniń aıtarlyqtaı tómendeýine jol bermeýge múmkindik berdi.
Úkimettiń qazirgi daǵdarys jaǵdaıynda ekonomıkanyń turaqtylyǵyn qamtamasyz etý jónindegi sharalarynyń tıimdiligin aldyńǵy qatarly halyqaralyq qarjy ınstıtýttary, reıtıngtik agenttikter men konsaltıngtik kompanııalar birneshe ret atap ótti.
Epıdemıologııalyq ahýal baqylaýǵa alynǵan, degenmen keıbir óńirlerde azamattardyń qaýipsizdigin qamtamasyz etý úshin belgili bir shekteýler saqtalǵan.
Epıdemıologııalyq jaǵdaıdyń turaqtanýy aıasynda qyzmet kórsetý sektorynda birtindep qyzmet qalpyna keltirilip jatyr. Jeltoqsan aıynda qarashamen salystyrǵanda qyzmet saýda (+1,4%) jáne baılanys (+0,2%) salalarynda odan ári qalpyna keltirildi.
Aqmola, Aqtóbe, Almaty, Shyǵys Qazaqstan, Jambyl, Qostanaı, Soltústik Qazaqstan jáne Túrkistan oblystary, sondaı-aq Nur-Sultan jáne Shymkent qalalary negizgi 7 kórsetkishtiń 5-i boıynsha áleýmettik-ekonomıkalyq damý ósimin qamtamasyz etti. 4 kórsetkish boıynsha Qaraǵandy, Mańǵystaý, Pavlodar oblystary men Almaty qalasynda oń dınamıkaǵa qol jetkizildi.
«2020 jyl syn-tegeýrinderge toly jyl boldy. Ýaqytyly qabyldanǵan sharalardyń arqasynda biz olardy eńsere aldyq. Elimizdiń turaqty áleýmettik-ekonomıkalyq damýyn odan ári qamtamasyz etý jáne halyqtyń turmys sapasyn arttyrý maqsatynda "Nur Otan" partııasynyń saılaýaldy baǵdarlamasyn tıimdi iske asyrý qajet», — dedi A. Mamın.
Úkimet basshysy QR Prezıdenti Qasym-Jomart Kemeluly Toqaevtyń tóraǵalyǵymen ótetin Úkimettiń keńeıtilgen otyrysynda áleýmettik-ekonomıkalyq damý qorytyndylary men aldaǵy kezeńge arnalǵan mindetter egjeı-tegjeıli qaralatynyn málimdedi.
