Jıynǵa óńirlerde bilim jáne tárbıe berý salasynda qyzmet etip júrgen uıymdardyń basshylary, qoǵam qaıratkerleri, muǵalimder, telearnalardyń jetekshileri qatysty. Bul joba óskeleń urpaqpen tárbıelik jumysty júrgizý qaǵıdalaryn júıeleý úshin «Pýhanı jańǵypý» baǵdaplamacynyń aıasynda júzege asyrylmaq. «Rýhanı jańǵyrý» baǵdarlamasynyń qundylyqtaryn jan-jaqty túsinýin eskeretin sharalardyń mańyzdy bóligi retinde mektepke deıin jáne mektep jasyndaǵy balalardy rýhanı turǵyda tárbıeleý boıynsha oqý-ádistemelik quraldardy ázirleý bolmaq.
«Bul taqyryp – kópten beri kókeıde júrgen máselelerdiń biri. О́zderińiz bilesizder, bizdiń mınıstrlik «Rýhanı jańǵyrý» baǵdarlamasyn júzege asyrýdy úılestirýshi organ. Sonymen qatar qoǵamnyń jan-jaqty damýyna qatysty uıymdastyrý jumystaryn atqarady. Qoǵamdy damytý degenimiz ne? Árıne eń áýeli óskeleń urpaqty tárbıeleý isinen bastalady. Bala tárbıesi qoǵam úshin qashanda mańyzdy másele. Jasyratyny joq, búginde balalardyń tárbıesine, olardyń oı qalyptastyrýyna áser etetin syrtqy faktorlar óte kóp. Sonyń ishinde ásirese, vırtýaldy álemniń, baqylaýdan tys ınternettiń yqpaly óte zor bolyp tur. Sondyqtan ýaqyt urpaq tárbıesine jańa qyrynan qaraýdy talap etip otyr. Qazir, ókinishke qaraı, balalar arasynda qatygezdikke beıimdik, sýısıd, toleranttyqtyń tómendigi sııaqty túrli keleńsizdikter kezdesedi», dedi mınıstr.
Sonymen qatar vedomsto basshysy bul másele keshendi zertteýdi qajet etetinin jáne qoǵam úshin bala tárbıesinde ata-anamen birge balabaqsha, mektepterdiń de jaýapkershiligi zor ekenin atap ótti. «Sondyqtan, bul jobany Bilim jáne ǵylym mınıstrligimen birlesip júzege asyramyz degen úmittemiz», dedi Aıda Balaeva.
Is-sharaǵa qatysýshylardy atalǵan Strategııamen «Rýhanı jańǵyrý» qazaqstandyq qoǵamdyq damý ınstıtýty basqarma tóraǵasynyń orynbasary Ásem Qaıdarova tanystyrdy. Ol qujatta «Rýhanı jańǵyrý» baǵdarlamasynyń qundylyqtaryn oqýshylardyń tereń uǵynýy men mektep baǵdarlamasy pánderimen ushtastyrýdaǵy usynymdarǵa erekshe kóńil bólingenin jetkizdi. Atalǵan qujat otansúıshishtik, ólketanýshylyq pen kásibı baǵdar berý baǵyttary boıynsha ázirlengen. Strategııa mektepke deıingi balalardy, bastaýysh, ortańǵy jáne joǵary synyptardyń oqýshylaryn qamtıdy.
Onlaın-shara barysynda О́skemen qalasy №27 orta mektebiniń qazaq tili jáne ádebıet pániniń muǵalimi Bek Muqanov, Nur-Sultan qalasy №66 mektep-lıseıi dırektorynyń tárbıe isi jónindegi orynbasary Tolqyn Beısekova óz oılarymen bólisti. Sonymen qatar talqylaýǵa «Balapan», «El Arna» telearnalarynyń basshylary Maqpal Jumabaı, Arman Seıtmamyt, «Ult taǵdyry» qoǵamdyq birlestiginiń jetekshisi Dos Kóshim, «Atamnyn amanaty» qoǵamdyq birlestiginiń jetekshisi Álııa Saǵymbaeva jáne taǵy basqalar qatysty. Talqylaý barysynda qatysýshylar tarapynan mektepke deıin jáne mektep jacyndaǵy balalapdy pýhanı-adamgepshilikke tárbıeleý turǵysyna qatysty birqatar usynym aıtyldy.
