О́kilder palatasyndaǵy demokrattar prezıdentti aıyptaýǵa daýys berýi sársenbide ótedi dep otyr. Eger palatada daýys berilse, Tramp AQSh tarıhyndaǵy eki ret ımpıchment jarııalanǵan alǵashqy prezıdent bolady.
Alaıda senattaǵylardyń 2/3 bóligi daýys bergen jaǵdaıda ǵana Tramp qyzmetinen ketedi. Bul úshin respýblıkashylardyń kópshiliginiń kelisimi qajet bolady. Al ázirge olardyń tek az ǵana bóligi óz partııalarynan shyqqan prezıdentke qarsy daýys berýge daıyn ekenin kórsetti.
О́kilder palatasy vıse-prezıdent Maık Pensten qyzmetine baılanysty ókilettiligin qoldana otyryp, Trampty ornynan ketirýin surap otyr. Alaıda vıse-prezıdenttiń ózi bul oıǵa qarsy. Tramptyń bılikten ketýin talap etýshiler demokrattar men keıbir respýblıkashylar arasynda kongresstegi bes adamnyń ómirin qıǵan tártipsizdikterden keıingi kúnderi kúsheıe tústi.
Aıda Oralbek
