Máselen, 2021 jylǵy 12 qańtarda 23 saǵat 5 mınýtta Pavlodar oblysy TJ departamentiniń «112» pýltine Ekibastuz aýdanynda, Shıqyldaq a/o, Qaraǵandy oblysy baǵytyndaǵy 9 sorǵy stansııasynyń aýdanynda 2 avtokóliktiń qar qursaýynda qalyp qoıǵany týraly habarlama kelip tústi. Shiderti kentin kúzetý boıynsha № 14 órt sóndirý beketiniń qyzmetkerleri qar qursaýynan 9 adamdy qutqaryp, 2 avtokólikti qar qursaýynan shyǵaryp, odan ári Shiderti kentiniń «Sarýjan» qonaq úıine ornalastyryldy.
2021 jylǵy 12 qańtarda 23 saǵat 35 mınýtta Departamenttiń «112» pýltine Ekibastuz aýdany Tórtkudyq a/o Bosshakól stansııasynyń kópirine jetpeı, qar qursaýynda tehnıka turyp qalǵany týraly habarlama kelip tústi, ishinde 4 adam boldy. № 14 órt sóndirý beketiniń qutqarýshylarymen qar qursaýynan 4 adam qutqaryldy jáne Shiderti kentiniń «Sarýjan» qonaq úıine evakýasııalandy.
2021 jylǵy 13 qańtardaǵy jaǵdaı boıynsha oblystyq jáne Respýblıkalyq mańyzy bar joldardyń barlyq ýchaskeleri ashyldy.
«Qazgıdromet» Pavlodar fılıalynan departamenttiń kezekshi-dıspetcherlik qyzmetine 1 daýyldy eskertý kelip tústi, oblystyń avtomobıl joldarynda avtokóliktiń barlyq túrleri úshin 4 ret qozǵalys jabyldy. Oblys turǵyndaryn qulaqtandyrý maqsatynda uıaly baılanys operatorlaryna 5 ret mátindik habarlama joldandy, onyń barysynda 4 mln.218 myń 230 uıaly baılanys abonenti habarlandy, 5 ret «Dármen» qosymshasynda aqparat ornalastyryldy.
О́z kezegimizde, Pavlodar oblysy TJ departamenti azamattardan daýyldy eskertý alǵan kezde eldi mekenderden shyqpaýdy jáne qutqarýshylardyń eskertýlerin eskerýdi suraıdy.
