Baǵdarlama jasaýshylar muny messendjerdiń Facebook korporasııasynyń quramyna kirýimen túsindiredi. Aqparatpen bólisý naryq taldaýy, qoldanýshylardyń talǵamy men jasy týraly ortaq statıstıka jasaý úshin mańyzdy desedi. Muny estigen túrik aǵaıyndar qosymshany óshirip, jańa platforma izdeýge kiristi. Baǵdarlamany qoldanýdan bas tartqandar qatarynda el prezıdenti Rejep Taııp Erdoǵan da bar.
Úkimet Turkcell kompanııasy usynǵan BiP messendjerin qoldanýǵa keńes berdi. Prezıdent ákimshiligi jumys toptary sol platformada qurylatynyn habarlady. Prezıdent R.Erdoǵan jýrnalısterdi otandyq qosymshaǵa ótýge shaqyrdy.
Telegram ıesi Pavel Dýrov keıingi kúnderi 25 mln-ǵa jýyq adam qosymshaǵa tirkelgenin habarlady. Osylaısha, Telegram qoldanýshylar sany jarty mıllıardqa jetken.
