Belgili bolǵandaı, Mitsubishi Pajero avtokóligi Qulja tas jolymen shyǵys baǵytyndaǵy 78-shi shaqyrymda oǵan óte joǵary jyldamdyqpen Nissan Cefiro-ǵa soqtyǵysqan. Nátıjesinde Mitsubishi qarsy jolaqqa ushyp shyǵyp, LADA Largus avtokóligine soǵylady.
Saldarynan Nissan men LADA-dan eki jolaýshy apat ornynda qaıtys boldy. Dárigerler LADA men Nissan júrgizýshilerine jedel kómek kórsetti. Keıin LADA júrgizýshisiniń aýrýhanaǵa bara jatqan jolda qaıtys bolǵany belgili boldy.
Sondaı-aq Mitsubishi Pajero kóliginiń úsh jolaýshysy medısınalyq mekemege jetkizildi. Onyń ishinde 2019 jyly týǵan bala bar. Abyroı bolǵandaa olar aýyr jaraqat almapty.
Al Nissan avtokóliginiń júrgizýshisiniń jaǵdaıy aýyr. Onyń kóliginiń salonnan syra ydysy men áınektiń synyǵy anyqtalǵan soń, mamandar júrgizýshiniń qanyn saraptamaǵa alǵan. Júrgizýshi kólikti mas kúıinde júrgizdi degen boljam bar. Oqıǵa ornynda oblystyń anyqtaýshysy mán-jaıdy túsindirip, tıisti saraptamalar taǵaıyndady.
Aıda ORALBEK
