Memleket basshysynyń atyna Qazaqstan nemisteri qoǵamdastyǵy Aqsaqaldar keńesi ókilderinen hat keldi.
Memleket basshysynyń atyna Qazaqstan nemisteri qoǵamdastyǵy Aqsaqaldar keńesi ókilderinen hat keldi.
Memleket basshysynyń atyna jazǵan óz hatynda V.Mýtanıol, A.Graf, G.Grot, V.Vıdler Germanııada turatyn 800 myń qazaqstandyq nemister atynan Nursultan Nazarbaevqa qazaqstandyq nemisterdiń tarıhı otanymen qaıta qaýyshý úderisterine erekshe kóńil bólgeni úshin zor alǵys bildirgen.
«Bul kúlli álemge halyqtar arasyndaǵy senimniń jańa saıasaty týraly málim etken batyl adamnyń jáne kóregen lıderdiń qadamy boldy. Bul – tarıhı ádilettilikti qalpyna keltirýdiń Sizdiń qolyńyzben jasalǵan shyn mánindegi asa mańyzdy aktisi, ony nemis halqy eshqashan umytpaıdy», dep jazady hat ıeleri.
Aqsaqaldar keńesiniń ókilderi osyndaı qoldaýdyń arqasynda búginde Germanııadaǵy júz myńdaǵan qazaqstandyq nemister Qazaqstannyń Eýropadaǵy dostyq elshileri rólin atqaryp otyrǵandyǵyn atap ótken. Hat ıeleri shekara syrtynda turyp jatsa da, ózderi úshin týǵan ólkesindeı bolyp ketken eldegi tabystar men jetistikterge zer sala qadaǵalap otyratyndyqtaryn jetkizgen.
«Ekonomıka damyp, halyqtyń ósip-órkendeýi men el bedeliniń nyǵaıýy jolynda jańa zor maqsattar qoıylyp otyrǵanyna qýanyshtymyz. Bul rette respýblıka beıbitshilik pen qaýipsizdik saıasatyn júrgizýde burynǵysynsha jetekshi ról atqara beredi. Qazaqstan mádenıetaralyq kelisim men taǵattylyqty qamtamasyz etýde, mýltımádenıet áleminiń syn-qaterlerin eńserýde eleýli tabystarǵa qol jetkizdi», delingen hatta.
Hat sońynda Aqsaqaldar keńesiniń ókilderi Qazaqstan halqyna ıgilik pen baq-bereke, sondaı-aq, Nursultan Nazarbaevqa zor densaýlyq jáne sarqylmas kúsh-qýat tilegen.
