*Prezıdent poshtasynan
Qazaqstan Prezıdentiniń atyna Otto Beneke atyndaǵy qordyń prezıdenti Lotar-Teodor Lemperden hat keldi, dep habarlady Prezıdenttiń baspasóz qyzmeti.
*Prezıdent poshtasynan
Qazaqstan Prezıdentiniń atyna Otto Beneke atyndaǵy qordyń prezıdenti Lotar-Teodor Lemperden hat keldi, dep habarlady Prezıdenttiń baspasóz qyzmeti.
Qazaqstan Prezıdentiniń atyna joldaǵan hatynda L.Lemper Memleket basshysynyń el halqyna Joldaýy – «Qazaqstan-2050» Strategııasymen zor qyzyǵýshylyqpen tanysyp shyqqanyn aıtady. Onyń pikirinshe, qujat Qazaqstan úshin ómirlik mańyzy bar jańa syn-qaterler men eleýli jetistikter úılesim tapqan kóptegen qyzyqty jaıttardy qamtıdy.
«Qazaqstan burynǵy Keńes Odaǵynan da, odan tysqary ornalasqan basqa kóp memleketterden de jańarǵan optımıstik rýhymen erekshelenedi. Sizdiń sózińiz – batyldyq kórinis tapqan qujattama», dep jazady hat ıesi. L.Lemper respýblıkanyń moıyndalǵan halyqaralyq jetistiginiń eki qaınar kózi – Qazaqstan Prezıdentiniń basshylyǵymen sheber júzege asyrylǵan saıası basshylyq pen azamattardyń úlken eldiń ıgiligi jolynda paıdalanylyp otyrǵan jan-jaqty qabilettiligi dep sanaıdy.
«Strategııa Batys Eýropanyń toqyraýda qalyp otyrǵan kóp elinen Qazaqstandy jaqsy jaǵynan ereksheleıdi. Sizdiń Joldaýyńyz Qazaqstandy ekonomıkalyq, ǵylymı jáne áleýmettik progress bıigine kóterýge degen umtylyspen etene baılanysty», delingen hatta. Hat sońynda avtor Nursultan Nazarbaevtyń jańa bilim berý saıasaty ózin úlken áserge bólegenin atap ótken. Osyǵan oraı L.Lemper perspektıvalyq ıdeıalardy iske asyrýǵa óz úlesin qosýǵa daıyn ekendigin bildirgen.
Múmkindik úshin aıryqsha rızashylyq
Elbasynyń atyna Qazaqstannyń zııatkerlik jáne jalpy orta bilim beretin mektepteriniń muǵalimderi men taǵylymdamadan ótýshilerinen hat keldi.
О́z hatynda avtorlar «Bolashaq» halyqaralyq baǵdarlamasy aıasynda Fınlıandııada ǵylymı-pedagogıkalyq taǵylymdamadan ótýge jasalǵan múmkindik úshin Memleket basshysyna aıryqsha jyly lebizben alǵystaryn jetkizgen. Muǵalimder men taǵylymdamadan ótýshiler álemniń úzdik pedagogıkalyq ınnovasııalyq tájirıbelerin tanyp-bilý ony elimizdiń orta bilim salasyna engizýge jáne beıimdeýge múmkindik beretinin atap ótken.
«Bizdiń oqýymyz Fınlıandııa Prezıdentiniń Astanaǵa 2013 jylǵy sáýir aıyndaǵy resmı sapary barysynda Siz qol jetkizgen ýaǵdalastyqtyń arqasynda múmkin boldy. Bizdiń ǵylymı-pedagogıkalyq taǵylymdamamyz «Bolashaq» halyqaralyq baǵdarlamasynyń 20 jyldyq mereıtoıyna oraılas kelgeni biz úshin eki ese mártebe. Mine, 22 jyl elimiz Sizdiń basshylyǵyńyzben alǵa nyq qadam basyp keledi. Qazaqstannan jyraqta júrip te biz óz Otanymyz úshin maqtanyshty sezinemiz», delingen hatta.
Hat ıeleri Qazaqstannyń jetistikterin, ásirese, Memleket basshysynyń bastamasymen qurylǵan bilim salasyndaǵy ınnovasııalyq jobalardy fınlıandııalyq áriptesteriniń joǵary baǵalaıtynyn jetkizgen. Hat sońynda muǵalimder men taǵylymdamadan ótýshiler Nursultan Nazarbaevqa zor densaýlyq, al elimizge baq-bereke tilegen.
