Qazaqstan Respýblıkasy Prezıdentiniń Jarlyǵy

«A» korpýsynyń memlekettik ákimshilik laýazymdaryna  qoıylatyn arnaıy biliktilik talaptaryn bekitý týraly

«Memlekettik qyzmet týraly» Qazaqstan Respýblıkasynyń 1999 jylǵy 23 shildedegi Zańynyń 13-babynyń 5-tarmaǵyna sáıkes qaýly etemin:

1. Qosa berilip otyrǵan «A» korpýsynyń memlekettik ákimshilik laýa­zym­daryna qoıylatyn arnaıy biliktilik talaptary bekitilsin.

2. «A» korpýsynyń memlekettik ákimshilik laýazymdaryna qoıy­latyn arnaıy biliktilik talaptarynyń keıbir máseleleri týraly» Qa­zaq­stan Respýblıkasy Prezıdentiniń 2013 jylǵy 7 naýryzda­ǵy №519 Jar­lyǵynyń kúshi joıyldy dep tanylsyn (Qazaqstan Respýblıkasynyń PÚAJ-y, 2013 j., №19, 318-qujat).

3. Osy Jarlyq qoldanysqa engizilgenge deıin «A» korpýsy mem­lekettik ákimshilik qyzmetiniń kadr rezervine alynǵan adamdardy atalǵan rezervten «A» korpýsy memlekettik ákimshilik laýazymdaryna taǵaıyndaǵan kezde olarǵa «A» korpýsy memlekettik ákimshilik qyzmetiniń kadr rezervine alynǵan kezde qoldanylǵan arnaıy biliktilik talaptary qoldanylady dep belgilensin.

4. Osy Jarlyq alǵashqy resmı jarııalanǵan kúninen bastap qoldanysqa engiziledi.

Qazaqstan Respýblıkasynyń Prezıdenti

N.Nazarbaev.

Qazaqstan Respýblıkasy Prezıdentiniń 2013 jylǵy 10 jeltoqsandaǵy

№708 Jarlyǵymen bekitilgen

«A» korpýsynyń memlekettik ákimshilik laýazymdaryna qoıylatyn arnaıy biliktilik talaptary

1. Jalpy erejeler

1. «A» korpýsynyń memlekettik ákimshilik laýazymdaryna qoıylatyn osy arnaıy biliktilik talaptary (budan ári – Arnaıy biliktilik talaptary) «Memlekettik qyzmet týraly» 1999 jylǵy 23 shildedegi Qazaqstan Respýblıkasy Zańynyń 13-babynyń 5-tarmaǵyna sáıkes ázirlendi jáne «A» korpýsynyń memlekettik ákimshilik laýazymdaryna ornalasýǵa úmitker azamattarǵa qoıylady.

2. Arnaıy biliktilik talaptary:

1) bilimi boıynsha talaptardy;

2) jumys ótili boıynsha talaptardy;

3) kásibı bilimi, Qazaqstan Respýblıkasynyń zańnamasyn, strategııalyq jáne baǵdarlamalyq qujattardy bilýi boıynsha talaptardy qamtıdy.

3. Qazaqstan Respýblıkasy Pre­zıdentiniń 2013 jylǵy 7 naýryzdaǵy №523 Jarlyǵymen bekitilgen Mem­lekettik qyzmetshiler laýazym­da­ry­nyń tizilimine sáıkes «A» kor­pýsynyń memlekettik ákimshilik laýazymdary birinshi jáne ekinshi sanatqa bólinedi.

4. «A» korpýsynyń birinshi sanattaǵy memlekettik ákimshilik laýazymdary eki topqa bólinedi:

1) birinshi sanattyń birinshi tobyna jatatyn laýazymdar:

ortalyq atqarýshy organdardyń jaýapty hatshylary;

Qazaqstan Respýblıkasy Konstı­týsııalyq Keńesi, Qazaqstan Res­pýblıkasy Prezıdentiniń Is bas­qarmasy, Qazaqstan Respýb­lı­kasy Ortalyq saılaý komıssııasy, Respýblıkalyq bıýdjettiń atqarylýyn baqylaý jónindegi esep komıteti, Qazaqstan Respýblıkasy Memlekettik qyzmet isteri agenttigi apparattarynyń basshylary, Qazaqstan Respýblıkasy Joǵarǵy Soty janyndaǵy Sottardyń qyzmetin qamtamasyz etý departamentiniń (Qazaqstan Respýblıkasy Joǵarǵy Soty apparatynyń) basshysy;

oblystar, astana jáne respýb­lıkalyq mańyzy bar qala ákimderiniń apparat basshylary;

jaýapty hatshy laýazymy engizilmegen ortalyq atqarýshy organdardyń apparat basshylary, Adam quqyqtary jónindegi ulttyq ortalyq basshysy;

2) laýazymdardyń fýnksııalyq baǵyttaryna jáne memlekettik basqarýdyń deńgeıine sáıkes birinshi sanattyń ekinshi toby kishi toptarǵa bólinedi.

Birinshi kishi topqa saraptamalyq-taldamalyq sıpaty basym fýnksııalary bar laýazymdar jatady. Birinshi kishi top:

Qazaqstan Respýblıkasy Pre­zı­denti Ákimshiliginiń sektor meńgerýshileri;

Qazaqstan Respýblıkasy Par­lamenti palatalary apparattary, Qazaqstan Respýblıkasy Premer-Mınıstri Keńsesiniń, Qazaqstan Respýblıkasy Konstıtýsııalyq Keńesi, Qazaqstan Respýblıkasy Prezıdenti Is basqarmasy, Qazaqstan Respýblıkasy Ortalyq saılaý komıssııasy, Respýblıkalyq bıýdjettiń atqarylýyn baqylaý jónindegi esep komıteti, Qazaqstan Respýblıkasy Memlekettik qyzmet isteri agenttigi apparattary, Qazaqstan Respýblıkasy Joǵarǵy Soty janyndaǵy Sottardyń qyzmetin qamtamasyz etý departamenti (Qazaqstan Respýblıkasy Joǵarǵy Sotynyń apparaty) qurylymdyq bólimsheleriniń jetekshileri laýazymdaryn qamtıdy.

Ekinshi kishi topqa ortalyq mem­lekettik organdardaǵy jáne olar­dyń aýmaqtyq organdaryndaǵy uıymdastyrýshylyq-ókimdik, ákim­shilik-sharýashylyq jáne baqy­laýshylyq sıpaty basym fýnksııalary bar laýazymdar jatady. Ekinshi kishi top:

Qazaqstan Respýblıkasy Joǵarǵy Soty janyndaǵy Sottardyń qyzmetin qamtamasyz etý departamenti (Qa­zaqstan Respýblıkasy Joǵarǵy Soty apparaty) basshysynyń orynbasarlary;

ortalyq atqarýshy organdar komıtetteriniń tóraǵalary;

Qazaqstan Respýblıkasy Par­lamenti Sharýashylyq basqarmasynyń basshysy jáne onyń orynbasarlary;

Qazaqstan Respýblıkasy Memle­kettik qyzmet isteri agenttigi aýmaq­tyq organdarynyń basshylary – Qazaq­stan Respýblıkasy Memlekettik qyzmet isteri agenttiginiń oblystardaǵy, astanadaǵy jáne respýblıkalyq mańyzy bar qaladaǵy tártiptik keńesteriniń tóraǵalary laýazymdaryn qamtıdy.

Úshinshi kishi topqa jergilikti bıýdjetten qarjylandyrylatyn memlekettik organdardaǵy uıym­dastyrýshylyq-ókimdik jáne ákim­shilik-sharýashylyq sıpaty basym fýnksııalary bar laýazymdar jatady.

Úshinshi kishi top oblystyq mańyzy bar qalalardyń (oblystardyń ákimshilik ortalyǵy bolyp tabylatyn qalalardyń ákimderin qospaǵanda), oblystar aýdandarynyń jáne qalalardaǵy aýdandardyń ákimderi laýazymdaryn qamtıdy.

5. «A» korpýsynyń ekinshi sanattaǵy memlekettik ákimshilik laýazymdary toptarǵa bólinbeıdi.

2. Bilimi boıynsha talaptar

6. «A» korpýsynyń memlekettik ákimshilik qyzmetiniń kadr rezervine alyný jáne «A» korpýsynyń birinshi sanattaǵy memlekettik ákimshilik laýazymdaryna ornalasý úshin kandıdattardyń joǵary biliminiń bolýy talap etiledi.

7. «A» korpýsynyń memlekettik ákimshilik qyzmetiniń kadr rezervine alyný jáne «A» korpýsynyń ekinshi sanattaǵy memlekettik ákimshilik laýazymdaryna ornalasý úshin kandıdattardyń memlekettik basqarý, ekonomıka, qarjy, quqyq salasynda joǵary biliminiń bolýy talap etiledi.

3. Jumys ótili

boıynsha talaptar

8. Jumys ótili Qazaqstan Respýb­lıkasynyń memlekettik qyzmet týraly zańnamasyna sáıkes memlekettik qyzmet ótilin jáne (nemese) memle­kettik jáne memlekettik emes uıym­dardaǵy jumys ótilin qamtıdy.

9. Birinshi sanattyń birinshi to­bynyń laýazymdaryna ornalasý úshin:

1) keminde jeti jyl jumys ótili, onyń ishinde memlekettik saıası laýazymdarda, ne «A» korpýsynyń laýazymdarynda, ne A-1, D-2, D-O-1 sanattarynan tómen emes laýazymdarda, ne ortalyq memlekettik organdardyń komıtet tóraǵalarynyń orynbasarlarynan, ortalyq memlekettik organdardyń departament basshylarynan tómen emes laýazymdarda, ne ortalyq memlekettik organdardyń jáne olardyń vedomstvolarynyń oblystardaǵy, astanadaǵy, respýblıkalyq mańyzy bar qaladaǵy aýmaqtyq organdary men bólimsheleriniń basshylarynan tómen emes laýazymdarda keminde úsh jyl memlekettik qyzmet ótili;

2) ne keminde alty jyl jumys ótili, onyń ishinde memlekettik tapsyrys negizinde memlekettik qyzmetshilerdi daıarlaý jáne qaıta daıarlaýdyń memlekettik baǵdarlamalary boıynsha nemese sheteldiń joǵary oqý oryndarynda Shetelde kadrlar daıarlaý jónindegi respýblıkalyq komıssııa bekitetin basym mamandyqtar boıynsha oqýdy aıaqtaǵan jaǵdaıda osy Arnaıy biliktilik talaptarynyń 9-tarmaǵy 1) tarmaqshasynda sanamalanǵan laýazymdarda keminde eki jyl memlekettik qyzmet ótili;

3) ne keminde jeti jyl jumys ótili, onyń ishinde ulttyq basqarýshy holdıngterdiń, ulttyq holdıngterdiń, ulttyq kompanııalardyń, ulttyq damý ınstıtýttarynyń atqarýshy organdarynyń basshylary laýazymdarynda keminde bes jyl jumys ótili talap etiledi.

10. Birinshi sanattyń ekinshi tobynyń laýazymdaryna ornalasý úshin:

1) birinshi kishi top úshin:

keminde bes jyl jumys ótili, onyń ishinde memlekettik saıası laýazymdarda, ne «A» korpýsynyń laýazymdarynda, ne A-1, V-1, S-2, D-2, D-O-1 sanattarynan tómen emes laýazymdarda, ne ortalyq memlekettik organdardyń komıtet tóraǵalarynyń orynbasarlarynan, ortalyq memlekettik organdardyń departament basshylarynan tómen emes laýazymdarda, ne ortalyq memlekettik organdardyń jáne olardyń vedom­stvolarynyń oblystardaǵy, asta­nadaǵy, respýblıkalyq mańyzy bar qaladaǵy aýmaqtyq organdary men bólimsheleri basshylarynyń orynbasarlarynan tómen emes laýazymdarda keminde eki jyl memlekettik qyzmet ótili;

ne keminde tórt jyl jumys ótili, onyń ishinde memlekettik tapsyrys negizinde memlekettik qyzmetshilerdi daıarlaý jáne qaıta daıarlaýdyń memlekettik baǵdarlamalary boıynsha nemese sheteldiń joǵary oqý oryndarynda Shetelde kadrlar daıar­laý jónindegi respýblıkalyq komıssııa bekitetin basym mamandyqtar boıynsha oqýdy aıaqtaǵan jaǵdaıda osy Arnaıy biliktilik talaptarynyń 10-tarmaǵy 1) tarmaqshasynyń ekinshi abzasynda sanamalanǵan laýazymdarda keminde bir jarym jyl memlekettik qyzmet ótili;

ne keminde bes jyl jumys ótili, onyń ishinde jumyskerleriniń jyldyq ortasha shtat sany keminde elý adam bolatyn memlekettik emes kommersııalyq emes, ǵylymı-zertteý uıymdarynyń* basshylarynyń laýazymdarynda, ne joǵarǵy oqý oryndarynyń fakýltet basshylarynan nemese ǵylymı dárejesi bolǵan jaǵdaıda joǵarǵy oqý oryndarynyń kafedra meńgerýshilerinen tómen emes laýazymdarda keminde tórt jyl jumys ótili talap etiledi.

ne keminde bes jyl jumys ótili, onyń ishinde ulttyq basqarý holdıngteriniń, ulttyq holdıngterdiń, ulttyq kompanııalardyń, ulttyq damý ınstıtýttarynyń, Qazaqstan Respýblıkasy Ulttyq Bankiniń departament basshylarynan tómen emes laýazymdarda, ne jyldyq ortasha sany elý adamnan kem emes respýblıkalyq uıymdarda basshylyq laýazymdarda keminde tórt jyl jumys ótili talap etiledi.

2) ekinshi kishi top úshin:

keminde bes jyl jumys ótili, onyń ishinde saıası memlekettik laýazymdarda, ne «A» korpýsynyń laýazymdarynda, ne A-2, V-3, S-3, D-2, D-O-2 sanattarynan tómen emes laýazymdarda, ne ortalyq memlekettik organdardyń komıtet tóraǵalarynyń orynbasarlarynan, ortalyq memlekettik organdardyń departament basshylarynan tómen emes laýazymdarda, ne ortalyq memlekettik organdardyń jáne olardyń vedom­stvolarynyń oblystardaǵy, astana­daǵy, respýblıkalyq mańyzy bar qaladaǵy aýmaqtyq organdary men bólimsheleriniń basshylarynan tómen emes laýazymdarda keminde eki jyl memlekettik qyzmet ótili;

ne keminde tórt jyl jumys ótili, onyń ishinde memlekettik tapsyrys negizinde memlekettik qyzmetshilerdi daıarlaý jáne qaıta daıarlaýdyń memlekettik baǵdarlamalary boıynsha nemese sheteldiń joǵary oqý oryndarynda Shetelde kadrlar daıar­laý jónindegi respýblıkalyq komıssııa bekitetin basym mamandyqtar boıynsha oqýdy aıaqtaǵan jaǵdaıda osy Arnaıy biliktilik talaptarynyń 10-tarmaǵy 2) tarmaqshasynyń ekinshi abzasynda atalǵan laýazymdarda keminde bir jarym jyl memlekettik qyzmet ótili;

ne keminde bes jyl jumys ótili, onyń ishinde ulttyq basqarý hol­dıngteriniń, ulttyq holdıngterdiń, ulttyq kompanııalardyń, ulttyq damý ınstıtýttarynyń, Qazaqstan Respýblıkasy Ulttyq Bankiniń departament basshylarynan tómen emes laýazymdarda, ne jyldyq ortasha shtat sany keminde elý adam bolatyn respýblıkalyq uıymdardyń nemese iri kásipkerlik sýbektileri bolyp tabylatyn zańdy tulǵalardyń** basshylarynan tómen emes laýazymdarda keminde tórt jyl jumys ótili talap etiledi.

3) úshinshi kishi top úshin:

keminde bes jyl jumys ótili, onyń ishinde saıası memlekettik laýazymdarda, ne «A» korpýsynyń laýazymdarynda, ne A-3, V-3, S-3, C-R-1, D-3, D-O-2, E-2 sanattarynan tómen emes laýazymdarda, ne ortalyq memlekettik organdardyń basqarma basshylarynan, birinshi basshylarynyń kómekshilerinen, keńesshilerinen tómen emes laýazymdarda, ne ortalyq memlekettik organdardyń jáne olardyń vedom­stvolarynyń oblystardaǵy, astanadaǵy, respýblıkalyq mańyzy bar qaladaǵy aýmaqtyq organdary men bólimsheleriniń basqarma basshylarynan (nemese olarǵa teńestirilgen laýazymdarda) tómen emes laýazymdarda, ne ortalyq memlekettik organdardyń aýdandardaǵy, astana, respýblıkalyq mańyzy bar qala aýdandaryndaǵy jáne oblystyq mańyzy bar qalalardaǵy bólimsheleriniń basshylarynan tómen emes laýazymdarda keminde eki jyl memlekettik qyzmet ótili;

ne keminde tórt jyl jumys ótili, onyń ishinde memlekettik tapsyrys negizinde memlekettik qyzmetshilerdi daıarlaý jáne qaıta daıarlaýdyń memlekettik baǵdarlamalary boıynsha nemese sheteldiń joǵary oqý oryndarynda Shetelde kadrlar daıar­laý jónindegi respýblıkalyq komıssııa bekitetin basym mamandyqtar boıynsha oqýdy aıaqtaǵan jaǵdaıda osy Arnaıy biliktilik talaptarynyń 10-tarmaǵy 3) tarmaqshasynyń ekinshi abzasynda atalǵan laýazymdarda keminde bir jarym jyl memlekettik qyzmet ótili;

ne keminde bes jyl jumys ótili, onyń ishinde ulttyq basqarý holdıng­teriniń, ulttyq holdıngterdiń, ulttyq kompanııalardyń, ulttyq damý ınstıtýttarynyń, Qazaqstan Respýblıkasy Ulttyq Bankiniń departament basshylarynan jáne onyń fılıaldary basshylarynan tómen emes laýazymdarda, ne jumyskerleriniń jyldyq ortasha sany keminde elý adam bolatyn memlekettik kásiporyndar men mekemelerdiń (memlekettik organdardan basqa) nemese iri nemese orta kásipkerlik sýbektileri bolyp tabylatyn zańdy tulǵalardyń basshylary orynbasarlarynan tómen emes laýa­zymdarda keminde tórt jyl jumys ótili talap etiledi.

11. «A» korpýsynyń ekinshi sanattaǵy memlekettik ákimshilik laýazymdaryna ornalasý úshin memlekettik basqarý, ekonomıka, qarjy, quqyq salalarynda keminde jeti jyl jumys ótili talap etiledi.

4. Kásibı bilimi, Qazaqstan Respýblıkasynyń zańnamasyn, strategııalyq jáne baǵdarlamalyq qujattardy bilýi boıynsha talaptar

12. «A» korpýsynyń memlekettik ákimshilik qyzmetiniń kadr rezervine alyný jáne «A» korpýsynyń memlekettik ákimshilik laýazymdaryna ornalasý úshin kandıdattarǵa kásibı bilimi, Qazaqstan Respýblıkasynyń zańnamasyn, strategııalyq jáne baǵdarlamalyq qujattardy bilýi boıynsha talaptar qoıylady.

13. Kásibı biliminiń bolýyn, strategııalyq jáne baǵdarlamalyq qujattardy bilýin Qazaqstan Respýblıkasynyń Prezıdenti janyndaǵy Kadr saıasaty jónindegi ulttyq komıssııa kandıdattarmen áńgimelesý ótkizý kezinde aıqyndaıdy.

14. Qazaqstan Respýblıkasynyń zańnamasyn bilýi testileý ótkizý kezinde aıqyndalady.

Eskertpe.

*«A» korpýsynyń memlekettik ákimshilik qyzmetiniń kadr rezervine alyný úshin jumyskerleriniń jyldyq ortasha shtat sany týraly málimetterdi kandıdattar tıisti ýákiletti memlekettik organdardan qujattar usyný arqyly rastaıdy.

**«A» korpýsynyń memlekettik ákimshilik qyzmetiniń kadr rezervine alyný úshin iri nemese orta kásipkerlik sýbektileri týraly málimetterdi kandıdattar tıisti salyq organdarynan qujattar usyný arqyly rastaıdy.