Atyraý oblysy Tótenshe jaǵdaılar departamenti qala jáne aýdan ákimdikterine daýyldy eskertý jáne qajetti sharalardy qabyldaý týraly aqparat jiberilip, uıaly baılanys operatorlary arqyly halyqty sms-habarlandyrý taratyldy.
2021 jylǵy 14 qańtarda Atyraý qalasynda ekpini sekýndyna 18-19 metrge jetetin jeldiń saldarynan turǵyn úı shatyrlarynyń ushýy oryn alyp, olardyń qulaý qaýpi adamdardyń ómirine tikeleı qaýip tóndirdi.
2021 jylǵy 14 qańtarda saǵat 07:10-da Call-sentr ortalyǵyna Atyraý qalasy, Nursaıa shaǵyn aýdanynda shatyrdyń qulaý qaýpi bar ekeni týraly habarlama kelip tústi.
Shaqyrtý ornyna jetken soń, qatty jeldiń saldarynan Nursaıa shaǵyn aýdany №84 5 qabatty turǵyn úıdiń 72 m2 (12h6) shatyr bóliginiń (jalpy aýdany 960m2 (80h12) ushyp, qaıyrylyp, shatyrdyń qalǵan bóliginiń ústine qulaǵandyǵy anyqtaldy.
Oqıǵa ornynda Atyraý oblysy Tótenshe jaǵdaılar departamentiniń jedel-qutqarý jasaǵynyń qutqarýshylary avarııalyq-qutqarý jabdyqtarynyń kómegimen búlingen konstrýksııalardy nyǵaıtyp, qaýipti aımaqty qorshady.
2021 jylǵy 14 qańtar kúni saǵat 08:22-de qatty jeldiń saldarynan (ekpini sekýndyna 18 metr) Atyraý qalasy Azattyq kóshesindegi 5 qabatty №77 turǵyn úı shatyrynyń 16 sharshy metr bóligi qulady (jalpy aýdany 1465,6 sharshy metr).
Qutqarýshylar jedel túrde avarııalyq-qutqarý jumystaryn júrgizip, alpınıstik qural-jabdyqtardy paıdalana otyryp, búlingen shatyrlardyń konstrýksııalaryn nyǵaıtyp, kólik jolyna túsken shatyrlardy jınaqtap, turǵyndardyń ómirine tóngen qaýipti dereý joıdy.
Eki jaǵdaıda qaıtys bolǵandar men zardap shekkender joq.
