Kóshe tártibin qadaǵalap júrgen Ulttyq ulan patrýlderi Saǵıt Haboshov pen Baýyrjan Saparalıev 14 qańtar kúni keshki saǵat 21.30. shamasynda Ihsanov kóshesiniń boıynda kúdikti er adamǵa kezdesken. Kúdikti bolatyn sebebi, onyń qolynda medısınalyq shprıs bolypty. Teksere kelgende 30 jasar azamattyń qaltasynan taǵy 3 shprıs jáne «Tramadol» túıiri shyqqan.
Oqıǵa ornyna shaqyrylǵan polısııa qyzmetkerleri kúdiktini ýaqytsha tergeý abaqtysyna qamady. Qadir tergeý-tekserý jumystary júrgizilýde.
«Al jaýyngerlerdi 5517 áskerı bóliminiń basshylyǵy kásibı sheberligi jáne qyraǵylyǵy úshin marapatqa usyndy», deıdi «Batys» óńirlik Ulttyq ulan qyzmetiniń baspasóz hatshysy, podpolkovnık Erbolat Sultanov.
Aıta keteıik, hımııalyq jolmen alynatyn «tramadol» tabletkalary aýyrsynýdy basý úshin medısınada paıdalanylǵanymen, ony óz betimen qoldaný esirtkige táýeldilikke soqtyryp, adam densaýlyǵyna qaýip tóndiretini belgili.
Batys Qazaqstan
