SQO ákimdiginiń ótken jyldy qorytyndylaǵan otyrysynda óńir basshysy Qumar Aqsaqalov bıyl da turǵyn úı qurylysynyń báseńdemeıtinin aıtty. 2020 jyly josparlanǵan 306 myń sharshy metr baspana turǵyzylyp, 3300-den astam páter paıdalanýǵa berildi. 12 myńnan astam soltústikqazaqstandyq turǵyn úı jaǵdaıyn jaqsartýǵa múmkindik aldy.
«Bıyl baspana salýǵa bıýdjetten 15,6 mlrd teńge bólemiz. Jospar boıynsha 340 myń sharshy metr turǵyn úı turǵyzamyz. Bul 3700-den astam páter. 2018 jyly paıdalanýǵa berilgen baspanadan 1,8 ese artyq. Biz aldymyzǵa jyl saıyn 3 myńnan kem emes páter salý mndetin qoıǵan edik. Byltyr kózdegen maqsatymyzǵa jettik. Baspana eldi mekenderde de turǵyzyldy. Osylaısha 2020 jyly bıýdjet esebinpn 609 úı boı kóterdi. Bıyl ózge óńirlerden keletin 2535 azamatqa 714 úıdi salyp beremiz. Osylaısha aýyldardaǵy kadr jetispeýshiligi máselesin birtindep sheshemiz», dedi Qumar Aqsaqalov.
