Oblystyq polısııa departamenti baspasóz qyzmetiniń málimetine súıensek, Atyraý qalasyndaǵy qoǵamdyq oryndarda adamdardyń mazasyn alyp, bal ashatyn, tipti qaıyrshylyqty kásip etetinder áli de azaıar emes.
«Byltyr osyndaı quqyq buzýshylyqty jasaǵan 814 adam anyqtalǵan edi. Olardyń bári ákimshilik jaýapkershilikke tartyldy. Al, bıylǵy jyl basynan beri ýchaskelik polısııa ınspektorlary reıdtik is-shara kezinde qaıyrshylyqpen aınalysyp júrgen 6 azamatty anyqtady. Máselen, Atyraý qalasyndaǵy №9 orta mekteptiń janynda 52 jastaǵy turǵynnyń qaıyr surap júrgeni belgili boldy. Oǵan qatysty QR Ákimshilik quqyqbuzýshylyq týraly Kodeksiniń 449-babymen ákimshilik hattama toltyrylyp, eskertý berildi» dep habarlady departamenttiń baspasóz qyzmetinen.
Polısııa qyzmetkerleriniń eskertýin elemeı, atalǵan quqyq buzýshylyqty qaıtalap jasaǵan 2 azamat anyqtalyp otyr. Olarǵa qatysty ákimshilik hattamalar jasaqtalyp, árqaısysyna 10 aılyq eseptik kórsetkish kóleminde aıyppul salyndy.
