Almaty qalalyq PD Tergeý basqarmasynyń habarlaýynsha, “QI-Trade Kazakhstan” JShS-niń eki dırektory – 1990 jyly týǵan S.azamat, sondaı-aq 1994 jyly týǵan B. azamat ustalyp, QR Qylmystyq is júrgizý kodeksiniń 128-babyna sáıkes ýaqytsha ustaý ızolıatoryna qamaldy.
– Olardyń áreketteri QR QK-niń 217-baby 3-bóligi boıynsha kvalıfıkasııalanǵan. Bir kún buryn sot “qamaýǵa alý” túrindegi aldyn alý sharasyn sanksııalady. Sonymen qatar, JShS-niń bas dırektory – 1994 jyly týǵan S.azamat halyqaralyq izdeýge salynǵanyn eske salamyz. Qazirgi ýaqytta onyń turǵan jeri men ustalýyn anyqtaýǵa baǵyttalǵan jedel-izdestirý is-sharalar kesheni júrgizilýde. Kompanııanyń aǵymdaǵy shottaryna shekteýler qoıyldy. Qazirgi tańda tergeý áreketteri jábirlenýshiler men osy JShS-niń basqa qyzmetkerleriniń qatysýymen júrgizilýde. Olardyń árqaısysynyń áreketterine sotqa deıingi tergeý organy zańdy baǵa beredi, – dedi Almaty qalalyq Polısııa departamenti bastyǵynyń orynbasary Rýstem Abdrahmanov.
