Nur-Sultan qalasynyń bas sanıtarlyq dárigeri Sarhat Beısenovanyń qaýlysyna sáıkes, elorda turǵyndary arasynda koronavırýs ınfeksııasy aýrýlarynyń kóbeıýine baılanysty SOO men qoǵamdyq tamaqtaný obektileri shekteý sharalaryn qatań saqtaǵan jaǵdaıda ǵana jumys isteıtin bolady.
Saýda-oıyn-saýyq ortalyqtarynyń, saýda úıleriniń, saýda ortalyqtarynyń jumysyn kúsheıtilgen sanıtarııalyq-epıdemııaǵa qarsy, sanıtarııalyq-profılaktıkalyq is-sharalardy saqtaı otyryp, jobalyq qýattyń 30%-nan aspaıtyn tolymdylyǵyn saqtaǵan kezde, rekreasııa aımaqtarynda jáne demalys araldarynda satyp alýshylardyń bolýyn qospaǵanda, osy Qaýlyda belgilengen jumys ýaqyty ótkennen keıin satyp alýshylardyń saýda zalynda bolýyna tyıym salýmen jumys kúnderi saǵat 10:00-den 22:00-ge deıin jumys kestesin belgileı otyryp jáne demalys kúnderi (olarda ornalasqan dárihanalar jáne tamaq ónimderi men birinshi qajettiliktegi zattardy satatynshaǵyn marketterdi, sýpermarketterdi jáne gıpermarketterdi qospaǵanda) jumystaryna tyıym salýmen uıymdastyrý.
Fýdkorttardyń jumysy tek ózdiginen alyp ketýdi qospaǵanda, kýrerlik jetkizýge ǵana ruqsat etiledi.
Qoǵamdyq tamaqtaný obektileriniń jumysyn (meıramhanalar, dámhanalar, barlar, ashanalar) ornalasqan jerine qaramastan, jumys ýaqyty aıaqtalǵannan keıin zalda kelýshilerdiń bolýyna tyıym sala otyryp, jumys kúnderi jáne demalys kúnderi saǵat 07:00-den 20:00-ge deıin jumys kestesin belgileı otyryp, onyń ishindegi 30 otyratyn orynnan aspaıtyn toltyrý sharttary saqtalǵan kezde jol beriledi. Bul rette ujymdyq, saltanatty, otbasylyq, eske alý (banketter, úılený toılary, mereıtoılar, eske alý) jáne basqa da buqaralyq is-sharalardy ótkizýge qatań tyıym salynady. Karantındik jáne shekteý sharalaryn buzý faktisi oryn alǵan kezde jumystaryna tyıym salýdy qamtamasyz etiledi.
Sonymen qatar bılıard, karaoke, boýlıng-ortalyqtar, batýttar, kompıýterlik klýbtar, túngi klýbtar, býkmekerlik keńseler men oıyn klýbtary, onyń ishinde lotereıalar utysy, jabyq ǵımarattardaǵy oıyn alańdary men attraksıondarynyń jumysyna tyıym salynbaq.
Aıta keteıik, elorda koronavırýs boıynsha «qyzyl» aımaqqa endi. Buǵan deıin habarlanǵandaı, epıdemıologııalyq jaǵdaıǵa baılanysty jáne Nur-Sultan qalasy bas sanıtarlyq dárigeriniń qaýlysyna sáıkes, bıyl kreshenıe merekesine arnalǵan oıyqtarda dástúrli jappaı shomylý ótkizilmeıdi.
