L.N.Gýmılev atyndaǵy Eýrazııa ulttyq ýnıversıtetinde «Káýsar» mádenı-tanymdyq birlestiginiń uıymdastyrýymen Memlekettik syılyqtyń laýreaty, belgili qalamger Ákim Tarazıdiń shyǵarmashylyq keshi ótti.
L.N.Gýmılev atyndaǵy Eýrazııa ulttyq ýnıversıtetinde «Káýsar» mádenı-tanymdyq birlestiginiń uıymdastyrýymen Memlekettik syılyqtyń laýreaty, belgili qalamger Ákim Tarazıdiń shyǵarmashylyq keshi ótti.
Sóıtip, Ákim aǵamyzdyń shyǵarmalaryn qurmet tutýshy oqyrman kórkemsózdiń tereńine boılatar qalamger týyndylarymen jaqynyraq tanysý múmkindigine ıe boldy.
Ádebı suhbat qalamgerdiń ómiri men shyǵarmashylyǵy týraly qyzyqty maǵlumattardy alǵa tartty. Salıqaly oı, jarasymdy ázil qatar órbidi. Ákim aǵamyz oqyrmandardyń suraqtaryna jaýap berdi. Jazýshyǵa arnap aqyndar Serik Turǵynbekuly men Baqytjan Tobaıaq jyr oqydy. Syrly shýmaqtar men jyly lebizge toly ónegeli kesh kózdi ashyp jumǵansha syrǵyp óte shyqty.
Kesh sońynda Eýrazııa ýnıversıtetiniń prorektory Dıhan Qamzabekuly sóz sóılep, Ákim aǵaǵa densaýlyq, shyǵarmashylyq tabys tiledi, oqý orny ázirlegen arnaıy syılyqty tabys etti. Al stýdentter Ákim Tarazımen estelik sýretke túsip, abzal aǵadan aq bata aldy.
