«Daryn» jastar syılyǵynyń ıegeri, III Halyqaralyq «Shabyt» festıvaliniń laýreaty, aqyn Dáýletkereı Kápulynyń shyǵarmashylyq keshi ótti.
«Daryn» jastar syılyǵynyń ıegeri, III Halyqaralyq «Shabyt» festıvaliniń laýreaty, aqyn Dáýletkereı Kápulynyń shyǵarmashylyq keshi ótti.
L.N.Gýmılev atyndaǵy Eýrazııa ulttyq ýnıversıtetiniń bas ǵımaratynda ótken sharanyń tizginin aqyn Baqyt Bedelhan ustady. Osy keshte aqynnyń úshinshi tól týyndysy – «Shertolǵaq» kitabynyń tusaýy kesildi.
Keshke «Haqtyń quly, Káptiń ulynyń» shyǵarmashylyǵyn syılaǵan S.Qasqabasov, K.Ámirbek, N.Sabılıanov, B.Smaǵul, O.Asanova, U.Esdaýlet, S.Turǵynbekuly, T.Ábdikákimuly, Á.Asqarov syndy birqatar zııalylar jáne B.Imashev, R.Zaıtov, M.Áýeshan sekildi sýyrypsalma aqyndar qatysty. «Aq jaýyn» memlekettik-kameralyq orkestrimen ashylǵan shara aqyndardyń ózara aıtysymen qyza tústi. О́ner juldyzdary: A.Elshibaeva, E.Aıtbaev, Z.Imanǵazıeva, G.Bókeıhanovalar án shyrqasa, A.Bekbosyn ózi «Taý barysy» dep ataǵan aǵasyna «Aıbarys» kúıin tartý etti. Jazýshy Á.Asqarov aqyn inisine «Qazaqtyń myń áni» atty kitabyn syıǵa tartsa, D.Kápulynyń keýdesine aýǵan soǵysynyń ardageri, Májilis depýtaty B.Smaǵulov «Baýyrjan Momyshuly» tósbelgisin taqty.
«Balbal tastyń júregi búlk etkende...» dep atalǵan shyǵarmashylyq keshinde kórermen Dáýletkereı aqyndy san qyrynan tanydy.
Kámshat JUBATHANOVA,
L.N.Gýmılev atyndaǵy Eýrazııa ulttyq ýnıversıtetiniń 1-kýrs stýdenti.
