Mádenıet jáne sport mınıstrligine qarasty Týrızm ındýstrııasy komıtetiniń tóraǵasy Dastan Ryspekov 2020 jyly Respýblıka boıynsha negizgi TOP-10 týrıstik baǵyt tańdalyp, týrıstik marshrýttar katalogy jáne olardy jaqsartý boıynsha usynystar jasalǵanyn málimdedi.
«Agro-aýyl týrızmin damytý boıynsha Aqmola, Almaty, Jambyl jáne Túrkistan oblysyn qamtı otyryp, aýyl turǵyndary úshin nusqaýlyq əzirlendi. Zertteý júrgizgen óńirlerdegi agrotýrızm sýbektileriniń tizimin daıyndadyq. Sondaı-aq byltyr ishki týrızm boıynsha onlaın-akademııa iske qosyldy. Akademııadaǵy 6 kýrsty týrızm naryǵynyń 1000 ókili təmamdady. Jalpy, akademııaǵa 1765 adam tirkelgen edi», dedi ol.
Dastan Ryspekov pandemııa kezinde aldaǵy ýaqytta 5 halyqaralyq is-shara ótkizýge múmkindik alǵanyn (Bizz, SCIJ, Isoprenoid – 2021 jyly, TAAI – 2022, SATW – 2023), bul is-sharalar uıymdastyrýshy esebinen ótetinin jetkizdi.
«2020 jyly Qazaqstan Lonely Planet ǵalamdyq gıd-anyqtamalyǵynyń «Qaýymdastyqtar» sanatynda «Úzdik qonaqúıler» nomınasııasyn jeńip aldy. Elimizdiń týrıstik áleýeti Google, Yandex, Facebook, Instagram, Weibo, WeChat-ta nasıhattaldy. Bul jumys 27 mln adamdy qamtydy. Onyń 17,7 mln-y Qazaqstanda, 9,3 mln-y shetelde turady. Qazaqstan týraly Travelstan beınebaıany PATA Gold Awards syılyǵynyń «Úzdik saıahat rolıgi» nomınasııasyna ıe boldy.
Endi 2021 jyly týrızm salasyndaǵy «Jol kartasyn» odan ári iske asyrý maqsatynda týrıstik ónimniń sapasyn arttyrý, ekologııa jəne jastar týrızmin damytý, jelilik bilim berý, halyqaralyq is-sharalar tartý jáne aqparattyq týrlar ótkizý boıynsha jumysty jalǵastyramyz», dedi Dastan Ryspekov.
