76 jastaǵy Almaty oblysy Kóksý aýylynyń turǵyny kir tasyn kóterýden álemdik rekord jasaǵan Ámirbaı Rysqulov Gınnestiń rekordtar kitabyna endi. Bul týraly www.egemen.kztilshisi habarlady.
Ol Reseıdiń Arhangelsk qalasynda ótken jarysta Gınnestiń rekordtar kitabyna engizetin halyqaralyq komıssııa músheleriniń aldynda jarty saǵatta 10 kılolyq kir tasyn 750 ret toqtamaı kóterip, jurtshylyqtyń nazaryn ózine aýdartqan. Osydan keıin komıssııa músheleri 76 jastaǵy qarııany Gınnestiń rekordtar kitabyna engizý týraly sheshim qabyldaǵan. Aqsaqaldyń aıtýynsha, onyń jarysta kir tasyn budan da kóp ret kóterýge múmkindigi bolǵan. Degenmen,rekord jasaý úshin 750-ge jetkizý ǵana jetkilikti bolǵan eken.
Bul jarysqa álemniń ár túkpirinen 400-den astam kir tasyn kóterýshiler qatysypty. Al bizdiń elden jarysta Ámirbaı Rysqulovtan basqa taǵy 4 adam baqtaryn synsa, sonyń ishinde Almaty oblysynan barǵan 55 jasar Jumahan Quzabaev ta rekord ornatypty. Qazir Ámirbaı Rysqulovtyń qorjynynda 105 medal bolsa, onyń 65-i álem, Azııa, Eýropa chempıonattarynyń altyn júldesi.
Dastan Kenjalın.
Derekkóz: www.kazsports.kz
