14-15 jeltoqsan kúnderi Astana qalasyndaǵy «Dáýlet» sport kesheninde «Qazaqstan boks federasııasynyń kýbogy» respýblıkalyq týrnıriniń jartylaı fınaly men fınaly ótedi.Bul týraly www.egemen.kz tilshisi habarlady.
Bıylǵy báseke el boksynyń 80 jyldyq mereıtoıyna arnalady.
14 jeltoqsan kúni saǵat 15.00-de Astana qalasynyń jáne Ońtústik Qazaqstan oblysynyń komandalary jartylaı fınalda kezdesedi. Osy kúni ekinshi jartylaı fınalda Qaraǵandy oblysy jáne Mańǵystaý oblysynyń boksshylary sharshy alańǵa shyǵady.
Jartylaı fınalǵa qatysatyn tórt komandanyń úsheýi buǵan deıin Qazaqstan boks federasııasynyń júldelerin jeńip alǵan. Mysaly, Astana qalasynyń quramasy - 2010 jyly, Qaraǵandy oblysynyń komandasy - 2011 jyly, Mańǵystaý oblysynyń ókilderi - 2012 jyly Qazaqstan boks federasııasynyń kýbogynyń ıegeri atandy. Al, Ońtústik Qazaqstan oblysynyń quramasy eki ret (2010, 2012 j.j.) osy týrnırdiń fınalyna qatysty.
Taǵy bir aıta ketetin nárse, «Qazaqstan boks federasııasynyń kýbogy» respýblıkalyq týrnıriniń jartylaı fınaly kezinde alǵash ret úsh salmaq dárejesi boıynsha áıelder arasyndaǵy jekpe-jekter ótedi. Boks federasııasynyń habarlaýynsha, kelesi týrnırde áıelder quramasy erler quramasymen birge teń dárejede óner kórsetetin bolady.
15 jeltoqsan kúni saǵat 15.00-de Qazaqstan boks federasııasy kýbogynyń fınaly ótedi. Fınaldan soń Qazaqstan boks federasııasynyń eń úzdik nomınasııalary boıynsha bıylǵy jyldyń jeńimpazdary men boks ardagerleri marapattalady.
Dastan Kenjalın.
Derekkóz: www.kfb.kzV
