Olga Rypakova 1984 jyldyń 30 qarashasynda О́skemende dúnıege keldi. Úsh qarǵyp sekirýden ol 2008 jyly Beıjiń Olımpıadasynda kúmis medaldi ıelense, 2012 jyly Londonda altynnan alqa taǵyndy. 2016 jyly Rıo-de-Janeıroda qola júldeni oljalady. Odan bólek, álem chempıonatynda úsh ret júldegerler sanatynan kórinip, jabyq ǵımartta álem chempıony atandy. Olga Azııa oıyndarynda tórt márte top jaryp, basqa da kóptegen halyqaralyq jarystarda jasyndaı jarqyrady.
Olga Rypakovanyń júldesi úshin ótetin jarysta bıyl Qazaqstannyń órenderinen bólek, Ázirbaıjan, Armenııa, Ýkraına, Qyrǵyzstan jáne О́zbekstannyń sportshylary baq synaıdy dep kútilýde.
