Oblystyq ekonomıka jáne bıýdjettik josparlaý basqarmasynyń bastyǵy Gúlbaram Musaǵazınanyń aıtýynsha, byltyrǵy jyldyń qorytyndysy boıynsha aımaqta oń ósim baıqalady. Atap aıtqanda, ónerkásip óndirisiniń ósimi – 7,4 paıyzǵa, óńdeý salasyndaǵy ósim – 20,2 paıyzǵa, aýyl sharýashylyǵyndaǵy ósim – 20,8 paıyzǵa, qurylys jumystarynda – 28,4 paıyz, turǵyn úılerdi iske qosýdaǵy ósim 3,1 paıyzǵa artqan. Oblys ekonomıkasyna 329,5 mlrd teńge ınvestısııa tartyldy.
Gúlbaram Musaǵazına ár aýdan men qalalardaǵy qol jetkizilgen jetistikterge jeke-jeke toqtaldy.
– О́tken jyldyń basynan beri ónerkásip kásiporyndary 1,5 trln teńge paıda túsirgen. О́nerkásip óndirisiniń ósýi aýdandardaǵy kásiporyndardyń úılesimdi jumysy nátıjesinde qamtamasyz etildi. Meńdiqara aýdanynda sary maı men súzbe óndirý jolǵa qoıyldy, jylý energııasy men aýyz sý tartý jumystary qarqyn aldy, – dedi ol.
Qarasý aýdanynda un, nan, taýarlyq beton óndirisi jolǵa qoıyldy. Qostanaı qalasynda bolattan jasalǵan shanaqtar men túrli tehnıkalardyń qosalqy bólshekterin, traktorlardyń, jeńil jáne júk avtomobılderin shyǵarý qarqyny kúsheıdi. Sondaı-aq shujyq pen un naryǵynda ósim baıqalady. Qarabalyq aýdanynda qıyrshyq tas pen jem shyǵarý kólemi ósti.
Apparat jıynynda aıtylǵandaı, aýyl sharýashylyǵy óniminiń 75 paıyzdan astamy aımaqtaǵy Qarasý, Qostanaı, Fedorov, Sarykól, Meńdiqara, Qarabalyq, Áýlıekól, Uzynkól, Qamysty jáne Beıimbet Maılın aýdandaryna, sonymen qatar Arqalyq qalasyna tıesili.
О́ńirlerde qurylys ındýstrııasy qarqyndy ósip keledi. 2020 jyly oblysta 379,4 myń sharshy metr turǵyn úı paıdalanýǵa berildi.
Oblys ákimi Arhımed Muhambetov áleýmettik-ekonomıkalyq kórsetkishterdi jaqsartý boıynsha tıisti basqarmalar men aýdan-qalalardyń basshylaryna tapsyrma júktedi.
– 2020 jyl eshkimge ońaı tıgen joq. Ekonomıkanyń kóptegen salasy aıtarlyqtaı zııan shekti. Degenmen negizgi makroekonomıkalyq kórsetkishterdiń ósý qarqyny boıynsha oblys jetekshi orynǵa shyqty, – dedi aımaq basshysy.
Ákim atap kórsetkendeı, aldaǵy ýaqytta da memlekettik baǵdarlamalardyń oryndalýy, nysanaly ındıkatorlardyń strategııalyq kartasynyń iske asýy basty nazarda bolady. Eń bastysy, ákimder jergilikti problemalardy baqylaýda ustaýǵa tıis. Áleýmettik-ekonomıkalyq damýdyń barlyq kórsetkishterine oń serpin berý qajet.
