Damyǵan elderdiń ekonomıkalyq kórsetkishiniń 60-70% shaǵyn jáne orta kásipkerlik sýbektileriniń damý deńgeıimen ólshenedi. Mańǵystaý óńirinde kásipkerlikti qoldaý qandaı deńgeıde ekendigi týraly taǵaıyndalǵanyna 100 kún bolǵan óńirlik «Atameken» kásipkerler palatasynyń dırektory Rashıt Mustapaev aıtyp berdi.
Aıta ketý kerek, elimizdiń ónerkásip salasynda Mańǵystaý negizgi ról atqarýshy tórt aımaqtyń biri. Máselen, Qazaqstan munaıynyń 25% osy óńirde óndiriledi. О́tken jylǵa kóz júgirter bolsaq kásiporyndar 732,8 mlrd teńgege ónim óndirgen jáne respýblıkada negizgi kórsetkishter boıynsha úshinshi orynǵa turaqtapty.
Elimizde kásipkerlikti damytýǵa baǵyttalǵan birqatar memlekettik baǵdarlamalar qabyldanǵany belgili. Máselen, Mańǵystaý oblysy boıynsha ótken jyly «Bıznestiń jol kartasy-2025» baǵdarlamasyn iske asyrýǵa 4 201,3 mln teńge mólsherinde qarajat bólingen bolatyn. Onyń ishinde: nesıelerdi sýbsıdııalaýǵa - 3 551,8 mln teńge, al nesıelerdi ishinara kepildendirýge - 628,5 mln teńge, granttyq qoldaýǵa - 21 mln teńge. Nátıjesinde 4 myńnan astam jumys orny ashylǵan.
2017-2021 jyldarǵa arnalǵan «Eńbek» baǵdarlamasy sheńberinde 2020 jylǵa 1 902,4 mln teńge mólsherinde qarajat bólindi. «Bıznes-mektep» jobasy aıasynda kásipkerlik negizderine 469 adam oqytyldy. «Bastaý» jobasy boıynsha óńirdiń 990 jumyssyz bıznesti úırenýge oqytyldy. Pandemııa kezeńinde jospardy oryndaý maqsatynda oqytý onlaın rejıminde júrgizildi. Adamı kapıtaldy damytý maqsatynda 3100 shaǵyn jáne orta bıznes kásiporyndaryna saýalnama júrgizilgen. Nátıjesinde 425 mamanǵa qajettilik bar ekendigi belgili boldy. Mańǵystaý oblysynda jumyssyzdyq deńgeıi 5% qurady.
