Petropavl qalasynda Úkimet basshysy «Qyzyljar» AEA aýmaǵynda elektr tehnıkalyq ónimin óndiretin jańa zaýyttyń qurylys barysymen tanysty. Joba quny – 10 mlrd tg. Kásiporynnyń qýattylyǵy 300 jańa jumys ornyn qurýmen jylyna 13 myń transformatordy quraıdy.
A. Mamın «Petropavl aýyr mashına jasaý zaýytyna» bardy, onyń aýmaǵynda tez buzylatyn azyq-túlik ónimderin tasymaldaýǵa arnalǵan termos vagondardy qurastyratyn jańa óndiris orny ashylǵan. Jobalyq qýattylyǵy – 200 adamdy jumyspen qamtı otyryp, jylyna 1200 vagon.
Premer-Mınıstr «Soltústik fanera kombınaty» JShS lamınattalǵan fanera óndiretin zaýyttyń jumysymen tanysty. Kásiporyn 150 adamdy jumyspen qamtyp otyr. Jobalyq qýattylyǵy – jylyna 27 myń m³ ónim. Sondaı-aq Úkimet basshysy Petropavl qalasynyń «Shyǵys» shaǵyn aýdanynda JCI halyqaralyq standarttary boıynsha 510 tósek ornyna arnalǵan kópbeıindi oblystyq aýrýhana qurylysynyń barysyn tekserdi. Jobany 2022 jyldyń sońyna qaraı memlekettik-jekemenshik áriptestik aıasynda «YDA Holding» túrik ınvestory júzege asyrady. Qyzyljar aýdanynyń Chapaevo aýylynda Premer-Mınıstr «Qyzyljar Sút» JShS-niń jańa sıfrlandyrylǵan sút-taýar fermasynda boldy. Fermanyń qýattylyǵy – jylyna 3,6 myń tonna sút.
Jumys saparynyń qorytyndysy boıynsha Premer-Mınıstr Soltústik Qazaqstan oblysynyń áleýmettik-ekonomıkalyq damýy jáne aldaǵy kezeńge arnalǵan perspektıvalary jóninde keńes ótkizdi. О́ńir ákimi Qumar Aqsaqalov, aýyl sharýashylyǵy mınıstri Saparhan Omarov, ındýstrııa jáne ınfraqurylymdyq damý mınıstri Beıbit Atamqulov, densaýlyq saqtaý mınıstri Alekseı Soı, eńbek jáne halyqty áleýmettik qorǵaý mınıstri Serik Shápkenov, bilim jáne ǵylym mınıstri Ashat Aımaǵambetov, ulttyq ekonomıka vıse-mınıstri Ermek Alpysov jáne qarjy birinshi vıse-mınıstri Berik Sholpanqulov baıandama jasady.
«Soltústik Qazaqstan oblysy agroónerkásiptik keshende, óńdeý ónerkásibinde jáne basqa da salalarda úlken áleýetke ıe. О́ńirdiń odan ári áleýmettik-ekonomıkalyq damýyna, onyń básekege qabilettiligin arttyrýǵa, halyqtyń turmys sapasy men ál-aýqatynyń joǵary bolýyn qamtamasyz etýge eleýli serpin berý qajet», — dedi A. Mamın.
2020 jyldyń qorytyndysy boıynsha Soltústik Qazaqstan oblysynyń aýyl sharýashylyǵyndaǵy jalpy ónim kólemi 779 mlrd teńgeni qurady, bul ótken jylǵydan 27%-ǵa joǵary, ónerkásiptik ónim óndirý kólemi – 306 mlrd teńge (+4,8%). Negizgi kapıtalǵa salynǵan ınvestısııalar kólemi 20,5%-ǵa – 281 mlrd teńgege deıin ulǵaıdy.
