Altyn quımalardyń bes túri bar: 5, 10, 20, 50 jáne 100 gramm. 2020 jyly satyp alýshylar arasynda suranysqa ıe bolǵany – 100 g quıma boldy. Satylǵan barlyq quımanyń ishindegi onyń 2020 jyldaǵy úlesi 28% – 5 859 dana. Odan keıin 20 gramdyq – 5 634 dana (27%) jáne 10 gramdyq quıma – 4 994 dana (24%), 50 gramdyq quıma – 2 622 dana (12%), 5 gramdyq quıma – 1 990 dana (9%).
Quımalardy satyp alý jaǵynan Almaty, Nur-Sultan jáne Atyraý qalalary kósh bastap tur. Baǵdarlama iske qosylǵan sátten bastap keri satyp alýǵa jalpy salmaǵy 3,4 kg 131 quıma qabyldandy. Onyń basty sebebi – altyn quımalar uzaq merzimdi ınvestısııalaý men jınaqtaý quraly bolyp tabylatyndyǵynda. Altyn quımalar senimdi ınvestısııalyq qural bola alady. Altyn quımalar naryǵynyń ótimdiligin qamtamasyz etýdiń negizgi faktory bankter men banktik emes aıyrbastaý pýnktteriniń quıma satyp alýshyǵa sol kúni aqsha tóleı otyryp, keri satyp alý múmkindigin bere alǵanynda bolyp otyr.
Ár quıma qorǵanys elementterimen (quımalardyń aına betimen, mıkrotekstpen jáne relefti jıekpen) jáne quımalardy mehanıkalyq zaqymdanýdan qorǵaıtyn jáne pakettiń ashylǵan-ashylmaǵanyn tekserýge múmkindik beretin arnaıy qaptamada shyǵarylatynyn eske salamyz. Sonymen qatar qorǵanys qaptamasy quımanyń sapa sertıfıkaty bolyp tabylady. Sondyqtan quımany uqyppen saqtap, oramany ashpaǵan jón.
