Sýret: gov.kz
Onyń 15,1 mıllıard teńgesi respýblıkalyq, al 4,0 mıllıard teńgesi oblystyq bıýdjetten bólinetin bolady. Qazirgi tańda oblysta 200 nysandy qaıta jaraqtandyrý jumystary júrgizilýde. Bilim júıesinde 10 nysan salynyp jatsa, alda taǵy da jeteýiniń qurylystary bastalady. Sondaı-aq 5 emdeý mekemesiniń ǵımaraty salynýda. 3 mádenıet, 3 sport, 7 kommýnaldyq sharýashylyq, 22 aýyz sý júıesi, 3 tabıǵat qorǵaý nysany jóndelýde, qalǵandary jańadan boı kóterip keledi. Satybaldy SÁÝIRBAI, AQTО́BE.
9 500 000 000 Qaraǵandy oblysynda 6 jyl ishinde aımaqtyq “Aýyz sý” baǵdarlamasy boıynsha osynsha mıllıard teńge ıgerilgen Ony oryndaý kezeńinde óńirdiń 103 eldi mekenine aýyz sý berýdi turaqtandyrýǵa múmkindik týdy. Jalpy alǵanda, 600 myńnan astam turǵyndy taza sýmen qamtamasyz etýge qol jetkizildi. Bul maqsatta 1219 shaqyrym qubyr tartylyp, olar 31 aýylda qaıta jańartyldy. Sonyń ishinde Toqyraýyn-Balqash magıstraldy sý aǵynynyń qalpyna keltirilýi Balqash qalasyna, Qońyrat, Shashýbaı kentterine sý jetkizilýin jolǵa qoıdy. Jáırem men Qarajal qalalaryn sýmen qamtamasyz etý máselesi jaqyn arada sheshilgeli tur. Kelesi jylda osy baǵytta 21 joba iske asyrylmaqshy. Aıqyn Nesipbaı, Qaraǵandy oblysy.
4 884 200 000 “Jol kartasy” baǵdarlamasy boıynsha ústimizdegi jyly Qyzylorda oblysyna ınvestısııalyq jobalardy júzege asyrýǵa osynshama teńge bólingen. Osynshama qarjyǵa barlyǵy 128 joba júzege asyrylady dep kútilýde. Tórt baǵyt boıynsha júrgiziletin aýqymdy shara negizinde 5291 jańa jumys oryndaryn ashý kózdelgen. Atalǵan baǵyttar turǵyn úı-kommýnaldyq sharýashylyq júıesin damytý, jergilikti mańyzdaǵy avtokólik joldaryn salý jáne jóndeý, mektepterdi, aýrýhanalardy jáne ózge de áleýmettik obektilerdi jóndeý, sondaı-aq qalalardy, eldi mekenderdi kórkeıtýdi kózdeıdi. Erkin ÁBIL, Qyzylorda oblysy.
76 971 “Nur Otan” halyqtyq-demokratııalyq partııasy oblystyq uıymynda osynshama múshe bar. Búginde óńirdiń áleýmettik-ekonomıkalyq, mádenı damýyna basshylyq jasaıtyn oblystyq partııa uıymynyń qatarynda 76971 belsendi múshe bar bolsa, olardyń 20190-y ózge ulttyń ókilderi. Desek te, olardyń maqsat-múddesi – táýelsiz elimizdegi Elbasynyń saıasatyn qoldaý, qoǵamdy demokratııalandyrý men tatýlyq jáne ultaralyq kelisimge qol jetkizý. Tilek pen kúsh biriktirgen partııa músheleriniń bul baǵyttaǵy jumystary nátıjeli ekendigin kún saıynǵy jumystary dáleldeı túsýde. Kúmisjan BAIJAN, Almaty oblysy.