Aýdan ákimi Shákir Keıkınniń málimetinshe, osy maqsatqa 500 gektar jer ýchaskesi bólingen. Jobanyń ınvestory – «Dıvıtel» JShS. Stansa qurylysyn 2022 jyly aıaqtaý kózdelip otyr. Qazir oǵan 12 adam jumysqa tartyldy. Joba iske qosylǵannan keıin 50 adam turaqty jumysqa alynady.
Jelden qýat jınaıtyn stansaǵa 24 qondyrǵy ornatylady. Onyń árqaısysy qýaty 2 MVt bolatyn energııa óndiredi. Jel týrbınalarynyń bıiktigi –106, ebeleginiń uzyndyǵy – 43 metr.
– Energııa resýrstaryn únemdeý jolynda aýdanda birqatar jumys júrgizilip jatyr. Al bul joba balamaly energııa kózderin óndirýdiń tıimdi tásili. Mamandar atalǵan jobany bastamas buryn arnaıy taldaý júrgizip, tájirıbeden ótkizdi. Jel elektr stansasy aýdandy elektr qýatymen tolyq qamtýǵa múmkindik beredi, – deıdi aýdan ákimi.
Atyraý oblysy
