О́tken jyly Petropavlda alaıaqtar 97 ret qalalyqtardyń esepshotynan aqsha qaǵyp ketken. Polıseıler buǵan alańdaýly.
«Bul problemamen bizge bankpen birlese kúsh jumsaý arqyly ǵana kúresýge bolady. Qabyldanyp jatqan sharalar ár kezde nátıje bermeıtinin faktiler kórsetip otyr. Bizdiń mindetimiz – kúshimizdi biriktirip, alaıaqtarǵa qarsy turý», deıdi Petropavl qalalyq PB bastyǵy, polısııa polkovnıgi Jandos Muqatov.
Kezdesýge alaıaqtardyń qurbany bolǵan áıel de qatysty. Ol bankten nesıe alý úshin qaskóıge 200 myń teńge aýdarǵan. Ol ózin «bank qyzmetkerimin» dep tanystyryp, qońyraý shalǵandardyń is-áreketi jaıly aıtyp berdi. Jalǵan menedjerlerdiń senimdi jáne saýatty sóılegeninen ol tipti kúmándanbaǵan. Sonymen qatar, olar buǵan famılııasyn, atyn, ákesiniń atyn aıtyp bergen. Dál osy jeke málimetterdi bilýi polıseıdi úreılendirip otyr. Demek, alaıaqtar bank qyzmetkerlerimen baılanysýy múmkin.
Tipti olardan qońyraý túsken kezde bank mekemesiniń CALL-ortalyǵynyń nómiri shyqqan. Bank ókilderi: «Qaýipsizdik qyzmeti nemese basqa bólimderdiń qyzmetkerleri kez-kelgen syltaýmen, ásirese qandaı da bir kod nemese shottardyń, kartalardyń nómirlerin surap, klıentterge qońyraý shalmaıdy», dep atap ótti jınalysta. Kezdesý qorytyndysynda polıseıler men qarjy mekemeleriniń ókilderi aldaǵy ýaqytta birlesken profılaktıkalyq jumystar júrgizýge kelisti.
