QR Básekelestikti qorǵaý jáne damytý agenttigi Atyraý oblysy boıynsha departamentiniń basshysy Dıas Jánibekovtiń aıtýynsha, monopolııaǵa qarsy komplaens jasalyp otyr.
«Monopolııaǵa qarsy komplaens ashyq saýda ótkizý saıasatyn kózdeıdi. Bul – monopolııaǵa qarsy zańnamany buzýshylyqtyń aldyn alý, boldyrmaý jónindegi tıimdi tásil. Sondaı-aq Atyraýda medısınalyq betperde shyǵaratyn sehtyń ashylýy baǵany tómendetýge yqpal etti», deıdi Dıas Jánibek.
Medısınalyq betperde baǵasyn tómendetý úshin atalǵan departament pen «Semeınoe zdorove» dárihanalar jelisiniń basshylary kelisimshartqa qol qoıdy.
«Turǵyndardyń Atyraý qalasyndaǵy Nursaıa, Avangard, Almagúl shaǵyn aýdandarynda ornalasqan «Semeınoe zdorove» dárihanasynan medısınalyq betperdeni 15 teńgege satyp alýyna múmkindik jasaldy. Betperdeniń mundaı tómen baǵasy karantındik shekteý sharalary alynǵanǵa deıin saqtalady», deıdi dárihanalar jelisiniń basshysy Suńqar Málikuly.
