«Qalalyq polısııa basqarmasy jedel basqarý ortalyǵynyń «102» pýltine tonaý deregi týraly habar tústi. Medısınalyq maska kıgen er adam kassa qyzmetkerin pyshaqpen qorqytqan. Sóıtip, kasadaǵy aqshany qoldy etip, oqıǵa ornynan boı tasalaǵan. Jedel-izdestirý sharasyn júrgizgen polısııa qyzmetkerleri kúdiktini 10 saǵattan soń ustady. Kúdikti buryn sottalǵan, Jylyoı aýdanynyń ortalyǵy – Qulsary qalasynyń 31 jastaǵy turǵyny bolyp shyqty. Shaǵyn nesıe beretin keńse beınebaqylaý júıesimen jabdyqtalmaǵan, munda kúzetshi de joq. Tonaýdy maqsat etken kúdikti munyń bárin aldyn ala bilgen», dep habarlady departamenttiń baspasóz qyzmetinen.
Qazir kúdiktige qatysty QR Qylmystyq Kodeksiniń 192-babynyń 1-bóligimen sotqa deıingi tergeý bastaldy. Kúdikti ýaqytsha ustaý ızolıatoryna qamaldy.
