Odaqtyń pandemııaǵa qarsy vaksına qoldanýǵa ruqsat bergenine bir aı boldy. Baı elderdiń vaksınaǵa ońaı qol jetkizýi jáne indetpen kúrestegi basty úmittiń barlyǵyna birdeı berilmeýi kóp synǵa ushyrady. Soǵan baılanysty Brıýssel jańa jospar jasady.
Eýropalyq odaqtyń komıssary Margarıta Shınastyń aıtýynsha, pandemııanyń sońy jaqyn bolýy múmkin, biraq oǵan áli tolyq qol jetken joq. Vırýstyń jańa shtammdarynyń paıda bolýy men aýrýlar sanynyń artýy álemdi áli de alańdatyp otyr. Ol qazir Eýropa burynǵydan da batyl áreket etýi, birlik pen qyraǵylyq tanytý kerek ekenin basa aıtty.
Bul áreketterdiń barlyǵy týrızm salasyna ıek artqan Eýropa elderiniń turalap qalǵan ekonomıkany qaıta qalpyna keltirýge jasaǵan áreketimen baılanysty. Memleket jáne úkimet basshylary bul jospardy taǵy da talqylaıdy.
Eýrokomıssııa sondaı-aq vaksına salynǵanyn rastaıtyn qujat engizýdi usynyp otyr. Sonda ǵana EO shekarasynda erkin qozǵalysqa ruqsat berýge bolatynyn meńzegen uıym basshylyǵy bul máseleni múshe elderdiń basshylarynyń talqysyna salmaqshy.
Daıyndaǵan
Rabıǵa NURǴALI
