Jánibek Nópirov 1980 jyly Qostanaı oblysynda týǵan. 2001 jyly Qaztutynýodaǵy Qaraǵandy ekonomıkalyq ýnıversıtetin, 2005 jyly Qaraǵandy «Bolashaq» ózekti bilim berý ınstıtýtyn, 2010 jyly Reseı Federasııasy Úkimeti janyndaǵy Halyq sharýashylyǵy akademııasyn bitirgen. Eńbek jolyn 1999 jyly Astana qalasy boıynsha Qazynashylyq basqarmasynyń tólemderdi retteý jáne baqylaý bóliminiń aǵa qazynashysy qyzmetinen bastady.
2000-2001 jj. — Astana qalasy boıynsha Qazynashylyq basqarmasynyń jetekshi qazynashysy, bas qazynashysy.
2001 jyldan 2006 jyl aralyǵynda Qarjy mınıstrliginiń qurylymynda bas mamannan bastap basqarma bastyǵyna deıin túrli laýazymdardy atqardy. 2006-2007 jj. — QR Statıstıka agenttiginiń Ishki ákimshilik departamenti dırektorynyń orynbasary.
2007-2008 jj. — QR QM Memlekettik bıýdjettiń atqarylýyn taldaý jáne ádistemesi departamenti dırektorynyń orynbasary. 2008-
2010 jj. — Ekonomıka jáne bıýdjettik josparlaý mınıstrliginiń Ekonomıkalyq saıasat jáne boljaý departamenti dırektorynyń orynbasary, Korporatıvtik damý departamenti dırektorynyń orynbasary, dırektory.
2010-2013 jj. respýblıkalyq bıýdjettiń atqarylýyn baqylaý jónindegi Esep komıtetiniń qurylymynda jumys istedi. 2013-2019 jj. — QR Prezıdent Ákimshiligi bóliminiń konsýltanty, sektor meńgerýshisi.
2019-2021 jj. — QR saýda jáne ıntegrasııa mınıstrliginiń jaýapty hatshysy.
