«Azamattyq bastamalardy qoldaý ortalyǵy» KEAQ derekteri boıynsha elimizdiń 145 kommersııalyq emes uıymynan barlyǵy 256 ótinim kelip túsken.
Konkýrs azamattyq bastamalardy qoldaý, qoǵamnyń áleýmettik mańyzdy máselelerin sheshýge azamattyq qoǵam ınstıtýttarynyń áleýetin tartý maqsatynda ótkiziledi.
Qoǵamdyq uıymdar 28 grant taqyryby boıynsha óz jobalaryn usyndy. О́tinimder sany boıynsha kóshbasshy jobalar: «Profnavıgasııa» jobasyn iske asyrý (21 ótinim), jastar arasynda sýısıdtiń aldyn alý jónindegi sharalar keshenin ázirleý jáne iske asyrý (19), jastar arasynda ekologııalyq mádenıetti nyǵaıtý jónindegi sharalar keshenin ázirleý jáne iske asyrý (18), aýyldyq eldi mekender turǵyndarynyń quqyqtyq saýattylyǵyn arttyrý (18), «Táýelsizdik urpaqtary» jobasyn iske asyrý (17), jastar arasynda otbasylyq qundylyqtardy nyǵaıtý (17), jastar arasynda salaýatty ómir saltyn qalyptastyrý (14), Qazaqstannyń ÚEU arasynda áleýmettik kásipkerlikti yntalandyrý jáne jandandyrý (11 ótinim) jáne basqa jobalar.
Sany jaǵynan eń belsendi óńirler Nur-Sultan (98) jáne Almaty (82) qalalary, Pavlodar oblysy (18), Shyǵys Qazaqstan oblysy (15) boldy. Eń az ótinim Atyraý, Mańǵystaý, Qostanaı oblystarynan kelip tústi; Aqmola oblysynyń qoǵamdyq uıymdarynan 1 ǵana ótinim kelip tústi.
Aldymen «Azamattyq bastamalardy qoldaý ortalyǵy» KEAQ menedjerleri ótinimderdiń granttardy taǵaıyndaý qaǵıdasynyń talaptaryna sáıkestigin qaraıdy, keıin jobalar táýelsiz sarapshylardyń qaraýyna beriletin bolady.
