Sondaı-aq, ákimniń tapsyrmasyna sáıkes elorda ákimdigi janynan sıfrlandyrý boıynsha IT-keńes quryldy, onyń aıasynda halyqtyń tynys-tirshiligin jaqsartý úshin IT-sheshimder engizildi.
Qala turǵyndarynyń qaýipsizdigi maqsatynda 2020 jyly «Qaýipsiz qala» pılottyq jobasy iske qosyldy. Búginde pılottyq joba iske asyrylý satysynda tur.
Aıta ketý kerek, 2020 jyldyń negizgi nátıjeleriniń biri — Nur-Sultannyń zııatkerlik kólik júıesi IDC halyqaralyq kompanııasynyń nusqasy boıynsha Eýropa, TMD jáne Ortalyq Azııa elderi arasynda kóshbasshy boldy.
2021 jylǵa qalany sıfrlyq jańǵyrtý boıynsha birqatar strategııalyq mindetter belgilendi.
1. Ákimdiktiń IT-arhıtektýrasyn ázirleý. Sáýlet sıfrlyq transformasııany júrgizý jáne ákimdik qyzmeti úshin memlekettik organdy aqparattandyrýdyń aǵymdaǵy jáne josparlanatyn jaı-kúıiniń sıpattamasyn qamtıtyn bolady.
2. Turǵynnyń biryńǵaı kartasy jobasyn iske asyrý áleýmettik salaǵa baǵyttalǵan bıýdjet qarajatyn jumsaýdyń tıimdiligin arttyrýǵa múmkindik beredi. Mysaly, jeńildikter alýshy kólik, dárihanalar, dúkender, TKSh, mektepter, balabaqshalar sanattary boıynsha belgili bir qyzmetterge aqy tóleı alady. Sondaı-aq memlekettik qyzmetterdiń sapasyn arttyrý, ártúrli basqarý organdarynyń avtomattandyrylǵan júıeleriniń ıntegrasııasy men ózara is-qımylyn qamtamasyz etý.
3. Aqparattyq qaýipsizdiktiń jedel ortalyǵy. Nur-Sultan qalasy ákimdiginiń elektrondyq aqparattyq resýrstaryn, aqparattyq júıelerin, telekommýnıkasııa jelilerin jáne basqa da aqparattandyrý obektilerin qorǵaý jónindegi qyzmetti júzege asyratyn bolady.
4. «Aqyldy shlagbaým» jobasyn damytý.
2020 jyly birneshe pılottyq joba iske qosyldy, olardyń biri – «Aqyldy shlagbaým» jobasy. Shlagbaýmǵa ornatylǵan júıe táýliktiń kez kelgen ýaqytynda jedel járdem jáne basqa da jedel áreket etý qyzmetteri úshin shlagbaýmdardyń avtomatty túrde ashylýyn qamtamasyz etýge múmkindik beredi. Bıyl osy baǵyt boıynsha jumystar jalǵasatyn bolady.
