Komıssııa otyrysynda «Transparency International» uıymynyń Qazaqstandaǵy ókildigi júrgizgen «2020 jylǵy Qazaqstandaǵy sybaılas jemqorlyq jaı-kúıiniń monıtorıngi» zertteýiniń nátıjeleri aıtyldy. Atalǵan uıymnyń sarapshylary qalalar, oblystar men aýdandarda 9 000 respondentpen saýalnama júrgizip, «ashyq dıalog» portalyna túsken 1 347 ótinishti zerttepti.
«Turǵyndar arasynda júrgizilgen saýalnama nátıjeleri memlekettik organdarǵa júgingen kezde sybaılas jemqorlyqqa tap bolǵan adamdardyń úlesi 2019 jylmen salystyrǵanda 2,1%-ǵa tómendegenin kórsetti» dedi Sybaılas jemqorlyqqa qarsy is-qımyl agenttigi Atyraý oblysy boıynsha departamentiniń basshysy Qanat Súleımenov.
«Adaldyq alańy» jobalyq keńsesiniń jetekshisi Alfııa Ádıevanyń aıtýyna qaraǵanda, turǵyndar arasynda sybaılas jemqorlyqqa qarsy mádenıetti qalyptastyrý úshin 72 aqparattyq-nasıhattyq jumys júrgizilipti.
Oblys ákimi Mahambet Dosmuhambetov sybaılas jemqorlyqtyń aldyn alý baǵytyndaǵy kúresti áli de kúsheıtý qajettigine toqtaldy.
