Biz Máńgilik Eldiń irgetasyn qaladyq. Máńgilik Eldiń júregine aınalǵan máńgilik Astanamyzdy turǵyzdyq. Máńgilik myzǵymas ekonomıka qalyptastyryp, Máńgilik óshpes jylnama jazdyq. Máńgilik bolashaqqa jol saldyq. Osynyń barlyǵy táýelsizdigimizdiń tartýy, azattyǵymyzdyń asyl qazynasy.
Nursultan NAZARBAEV.
Atajurttyń qazyǵyna baılanǵan soń kindigim,
Arqandaýly at sekildi shyr aınalǵan tirligim.
Tań atqannan kún batqansha óz basymen áýre bop,
Arpalysqan bul jalǵanda uǵyp jatyr kimdi kim?
Qanatymdy shańǵa malyp tirshiliktiń qamy úshin,
Taýyq ta bir, men de birmin terip jegen tarysyn.
Bostandyqtyń bir tal shashy túser bolsa egerde,
Qynabynan sýyrylar qylshyldaǵan namysym!
Jetken jan joq qýǵanmenen myna dúnıe shetine,
Pánı menen baqı barda bólinesiń ekige.
Azattyǵym, tıer bolsa sýyq yzǵar betińe,
Júregimdi qalqan etem soqqan jeldiń ótine!
Nesipbek AITULY,
aqyn, Memlekettik syılyqtyń laýreaty.
ASTANA.
