• 15 Jeltoqsan, 2013

Astana boksshylary - Federasııa kýbogynyń ıegerleri

310 ret

kórsetildi

2 mın

oqý úshin

Egemen Qazaqstan

15-12-13-box-kubok-2

Búgin, 15 jeltoqsan kúni Astana qalasynyń boksshylaryQazaqstan Boks federasııasynyń kýbogyn jeńip aldy. Olar fınalda Mańǵystaý oblysy komandasyn 6:4 esebimen utty. Bul týraly Qazaqstan boksynyń VKontakte saıty habarlady. Sońǵy eki jekpe-jekke deıin esep 4:4 bolyp turdy. Sodan soń jeńiske jetken Vasılıı Levıt (91 kg) pen Ermek Úsenov (+91) óz ujymyna jeńis alyp berdi. Ola tıisinshe Azamat Ábilev pen Maǵjan Bazarbaıdy utty. Bulardyń alǵashqy juby birinshi raýndta tehnıkalyq nokaýtpen aıaqtaldy. Al sharshy alańǵa birinshi bolyp 49 kılodaǵy Azat Qamzın (Astana) men Qýanyshbaı Sársenbaev (Mańǵystaý) shyqty. Urys bulardyń birinshisiniń 3:0 (29:28, 29:28, 30:27) etip utýymen aıaqtaldy. Budan keıin 52 kıloǵa deıingi salmaqtaǵy Ilııas Súleımenov óziniń Nurjan Qoshanovtan basym ekein 3:0 (30:27, 30:27, 30:27) degen eseppen dáleldedi. Alǵashqy eki jeńisti 56 kıloǵa deıingi Meıirbolat Toıytov odan ári ósirip, 3:0-ge jetkizdi. Onyń da Qanat Kóptileýovpen shaıqasynyń esebi joǵarydaǵydaı – 3:0 (30:27, 30:27, 30:27). Mańǵystaýlyqtar osyndan soń ǵana eki urystyń esesin qaıtara aldy. Ony 60 kılodaǵy Berik Ábdirahmanov pen 64 kılodaǵy Jánibek Ájibaı jasady. Bular tıisinshe Darhan Jumsaqbaev pen Dáýlet Dáýkenovti tize búktirdi. Munda da joǵaryda sońǵy eki esep aına-qatesiz qaıtalandy. Astanalyq Meıirim Nursultanovtyń (69 kg) mańǵystaýlyq Sýleıman Berdýkaevpen aıqasy ekinshi raýndta tehnıkalyq nokaýtpen aıaqtaldy. Al 75 kıloda mańǵystaýlyq Erik Áljanov qarsylasy Aslanbek Dárbekti de ekinshi raýndta tehnıkalyq nokaýtpen utyp, aldyńǵy juptaǵy eseni qaıtardy. Munyń sońyn ala rıngke shyqqan 81 kılodaǵy Ádilbek Nııazymbetov astanalyq Dáýren Eleýsinovten 3:0 (29:28, 29:28, 30:27) esebimen basym túsip, sóz basynda aıtqan 4:4 degen esepke taban tiretti. Osylaısha Astana quramasy Qazaqstan boks federasııasynyń Kýbogyn jeńip aldy. Eske sala keteıik, Astana komandasy jartylaı fınalda Ońtústik Qazaqstan quramasyn 6:5 etip utsa, al Mańǵystaý oblysy Qaraǵandy jasaǵyn 7:3 etip utqan bolatyn. Rýslan Igilik. Derekkóz: Qazaqstan boksynyń VKontakte saıty.