Búgin QR Densaýlyq saqtaý mınıstrligine QR DSM sanıtarlyq-epıdemıologııalyq baqylaý komıtetiniń ókilderi mektep jasyndaǵy balalardy vaksınasııalaý máseleleri boıynsha azamattardyń ótinishine baılanysty COVID-19 vaksınasııasynyń tártibi men erejesin túsindirdi. «Halyq densaýlyǵy týraly» Kodekstiń 77-baby negizinde kez kelgen ekpe, onyń ishinde koronavırýs ınfeksııasyna qarsy vaksınasııa erikti túrde júzege asyrylady. Azamattar vaksınasııadan jazbasha túrde bas tartýǵa quqyly.
18 jasqa tolmaǵan balalar men 65 jastan asqan adamdarǵa vaksınanyń tıimdiligi men qaýipsizdigi týraly málimet joq, sondyqtan bul jastaǵylarǵa ekpe salynbaıdy. KVI-ge qarsy vaksınasııa epıdemıologııalyq mańyzdylyǵyn eskere otyryp, kezeń-kezeńimen tegin medısınalyq kómektiń kepildik berilgen kólemi sheńberinde júrgiziledi.
1 aqpanda bastalatyn birinshi kezeńde ınfeksııalyq aýrýhana, jedel medısınalyq járdem, reanımasııa jáne qabyldaý bólmeleri, sanepıdqyzmettiń medısına qyzmetkerleri vaksınasııalana alady. 1 naýryzda bastalatyn ekinshi kezeńde jalpy bilim beretin mektepterdiń, JOO-dyń, pedagogter, medısınalyq qyzmet qyzmetkerleri. 1 sáýirden bastap úshinshi kezeńde: mektep-ınternattardyń, mektepke deıingi balalar mekemeleriniń pedagogtary, stýdentter jáne sozylmaly aýrýlary bar adamdar egý saldyrady.
