Aıtýly dodaǵa Jambyl oblysynyń órenderi jaqsy daıarlyqpen kelgen eken. Olar 2 altyn, 2 kúmis jáne 4 qola medaldi ıelenip, jalpy komandalyq esepte birinshi oryn aldy. 2 altyn, 1 kúmis jáne 3 qolany oljalaǵan Almaty qalasynyń saıypqyrandary ekinshi satyǵa taban tiredi. Úshinshi orynda – Shyǵys Qazaqstan oblysy. Keńdi Altaıdan kelgen bylǵary qolǵap sheberleri 2 altyn, 1 kúmis jáne 2 qolaǵa qol jetkizdi.
Jekelegen salmaq dárejeleri boıynsha myna boksshylar jeńis tuǵyrynyń eń bıik satylaryna kóterildi: 46 kılo – Ernar Qarap (ShQO), 49 kılo – Kenje Maratuly (Almaty oblysy), 52 kılo – Jandos Jumabaev (Shymkent), 56 kılo – Ábdiǵalym Ábdikárim (Túrkistan), 60 kılo – Elnur Súıinbaı (Jambyl), 64 kılo – Baýyrjan Sátjanov (ShQO), 69 kılo – Armat Armanuly (Almaty qalasy), 75 kılo – Sultan Babahanov (Jambyl), 81 kılo – Temirlan Muqataev (Nur-Sultan), 91 kılo – Mádı Ámirov (Almaty qalasy) jáne +91 kılo – Danııal Saparbaı (Túrkistan).
