zańnamada turǵyn úı jaǵdaılaryn jaqsartý jáne (nemese) emdelýge aqy tóleý maqsatynda BJZQ-dan birjolǵy zeınetaqy tólemderin alý úshin salymshylardyń ýákiletti operatordyń ınternet resýrsynda elektrondy ótinish toltyra otyryp, QR Úkimeti aıqyndaǵan ýákiletti operatorlarǵa júginetini kózdelgen.
«Salymshy ótinishinde birjolǵy zeınetaqy tólemderin paıdalaný maqsatyn jáne maqsatty paıdalanýǵa jiberiletin qoljetimdi somany kórsetedi. Ýákiletti operator salymshynyń ótinishin qarap, ony maquldaý týraly sheshim qabyldaıdy. Sondaı-aq, birjolǵy zeınetaqy tólemderin qordan ýákiletti operatorda ashylǵan salymshynyń arnaıy shotyna aýdarý boıynsha BJZQ-men ózara is-qımyldar júrgizip, birjolǵy zeınetaqy tólemderiniń nysanaly paıdalanylýyna monıtorıng jasaıdy», delingen habarlamada.
Qor men ýákiletti operatorlar arasyndaǵy ózara is-qımyl elektrondy aqparat almasý arqyly jáne ózara is-qımyl týraly tıisti kelisim negizinde júzege asyrylady. «Kelisim ýákiletti operator men BJZQ arasynda birjolǵy zeınetaqy tólemderin esepke alý, aýdarý jáne qaıtarý máselesi boıynsha aqparattyq ózara is-qımyl jasaý jáne aqparat almasý tártibin, sondaı-aq, aqparattyń qupııalylyǵyn saqtaý jónindegi sharttar men mindettemelerdi qosa alǵanda, kelisim taraptarynyń árqaısysynyń mindetteri men jaýapkershiligin aıqyndaıdy», delingen habarlamada. Aıta keterligi, qor men ýákiletti operatordyń aqparattyq júıesiniń biriktirilýi «elektrondy úkimet» portalyndaǵy ıntegrasııalyq servıs arqyly júzege asyrylady.
