Búgin, oblys ákimi Qyrymbek Kósherbaev bastaǵan delegasııa Elbasynyń qolynan «Qazaqstannyń Eńbek Eri» ataǵyn alǵan belgili kásipker, «Abzal ı K» tolyq seriktestiginiń dırektory Abzal Eralıevti Qyzylorda áýejaıynan kútip aldy. Bul týraly oblys ákiminiń baspasóz qyzmeti habarlady.
Syr jurtshylyǵy eńbegi eleýli azamatty gúl shoqtarymen jáne shashýmen kútip aldy. Jerlesteriniń mereıli qýanyshyna ortaqtasqan azamattar shynaıy tilekterin bildirdi. Aıtysker aqyn Muhtar Nııazov jyr joldaryn arnasa, oblystyq ardagerler keńesiniń tóraǵasy Seıilbek Shaýhamanov lebizin jetkizip, batasyn berdi. Odan keıin jýrnalısterge suhbat bergen Abzal Eralıev eńbek eldiki ekenin eske salyp ótti.
Jalpy, memlekettik nagrada belgili kásipkerge Qazaqstannyń áleýmettik-gýmanıtarlyq damýyndaǵy asa úzdik jetistikteri, belsendi qoǵamdyq qyzmeti úshin berilip otyr. Bul rette ol basqaratyn kompanııanyń kúrish ónimdiligi jóninen oblysta kósh bastap turǵanyn atap ótkimiz keledi.
Baqytbek Keneshuly.
Derekkóz: Oblys ákiminiń baspasóz qyzmeti
