QR SDIAО́M basshysy Ishki ister mınıstrligi usynǵan azamattardyń qaýipsizdigin qamtamasyz etý salasyndaǵy jobalar jan-jaqty oılastyrylǵanyn jáne olardy paıdalaný ońaı ekenin atap ótti. Baǵdat Mýsın, sondaı-aq, QR SDIAО́M óz tarapynan IIM-ge ıntegrasııalyq úderisterge kómek kórsetýdi jalǵastyratynyn aıtty.
О́z kezeginde, IIM basshysy usynylǵan jobalar pılottyq rejımde aprobasııalanǵanyn jáne paıdalanýǵa daıyn ekenin habarlady.
Osylaısha, IIM 1 aqpannan bastap 102 mobıldi qosymshasyn iske qosady. Servıs «Azamattardyń ótinishterin qabyldaý prosesiniń birizdiligi» jobasynyń bir bóligi bolyp tabylady. Onyń mindeti – polısııanyń halyqtyń suranysyna jaýap berýin qamtamasyz etý.
Ázirlengen qosymshanyń kómegimen eldiń árbir turǵyny jasalǵan quqyq buzýshylyq nemese qylmys týraly aqparat joldap, onyń jaýapsyz qalmaıtynyna senimdi bola alady. Júıe arqyly ótinish berýge, operatormen aýdıo nemese beıne qońyraý arqyly baılanysýǵa, qyzmet alýǵa, sondaı-aq shaqyrý ornyna barǵan polısııa jasaǵynyń ornalasqan jerin baqylaýǵa bolady.
Sondaı-aq, birlesken keńeste «SOS túımesi» tanystyryldy. IIM bul tótenshe shaqyrý qurylǵysyn damyǵan elderdiń tájirıbesi boıynsha kóshelerde, qoǵamdyq oryndarda, sondaı-aq joldarda ornatýdy usynady. Dabyl túımesin basý arqyly siz quqyq buzýshylyq týraly habarlama jibere alasyz nemese polısııadan kómek suraı alasyz.
Mınıstr Baǵdat Mýsın sıfrlyq jobalar el úshin óte mańyzdy ekenin, árbir azamat oń áserin alatynyn, onyń ishinde qaýipsizdik deńgeıi kóteriletinin atap ótti.
Budan basqa, balanyń ornalasqan jerin baqylaýǵa múmkindik beretin «Meni tap» balalar qaýipsizdigi júıesi iske qosýǵa daıyn. Balalar qoǵamnyń eń qorǵalmaǵan bóligi bolyp tabylady jáne olar kóbinese eresekter tarapynan jasalatyn zorlyq-zombylyqtyń nemese basqa da zańsyz áreketterdiń qurbany bolady. Jańa júıe ata-analarǵa smartfondardyń kómegimen balalaryn qashyqtyqta da baqylaýǵa, olardyń qozǵalysy týraly bilýge kómektesedi. Qaýip týyndaǵan jaǵdaıda bala negizgi tizbektegi túımeni paıdalanady jáne dabyl avtomatty túrde ata-analarǵa da, polısııaǵa da beriledi. Bul qaýip-qaterdiń aldyn alýǵa múmkindik beredi.
«Ishki ister mınıstrligi óz qyzmetinde zamanaýı tehnologııalardy barynsha paıdalanýdy maqsat etip qoıdy. Vedomstvonyń barlyq kúsh-jigeri, eń aldymen, el turǵyndarynyń múddelerin qorǵaýǵa, qylmystar men quqyq buzýshylyqtardyń sanyn azaıtýǵa baǵyttalǵan. Polısııany sıfrlandyrý quqyqtyq tártipti qorǵaý jáne azamattardyń qaýipsizdigi men tynyshtyǵyn qamtamasyz etý salasyndaǵy jumystyń sapaly, jańa deńgeıin qamtamasyz etedi», - dep atap ótti Erlan Turǵymbaev.
IIM basshysy sıfrlandyrý boıynsha jumys júrgizý barysynda vedomstvo memlekettik qyzmetterdi avtomattandyrýǵa kóp kóńil bóledi, óıtkeni bul halyqqa qyzmet kórsetý merzimin qysqartýǵa múmkindik beretinin atap ótti. 2020 jyly IIM 9 mln-ǵa jýyq memlekettik qyzmet kórsetken. 40 qyzmettiń 38 túri nemese 95 %-y avtomattandyrylǵan.
