Sırııa astanasy Damasktyń túbindegi Adra qalasynda sodyrlar 90-nan asa tutqyndy atyp óltirgen. Olardyń arasynda áıelder men balalar da bar. Bul týraly ITAR-TASS habarlady.
Sırııa áskeri Damasktan soltústik-shyǵysqa qaraı 20 shaqyrym jerdegi qarýlanǵan ekstremısterdiń basyp alǵan Adra qalasynda urys qımyldaryn júrgizýde. Belgili bolǵandaı, áskerıler onda zeńbirek qoldanýdan bas tartqan. Sebebi, sodyrlar beıbit turǵyndardy áskerılerdiń oǵynan qorǵanatyn tiri saýyt retinde qoldanýda. «Al-Ahd» telearnasynyń aqpary boıynsha, áskerıler qaladaǵy ár úıge shabýyl jasap, onshaqty otbasyn sodyrlardyń qamaýynan bosatyp alǵan.
Áskerıler halyqaralyq áýejaıǵa aparatyn joldy bógep tastady. Tas jol Adra qalasynan nebári 4 shaqyrym jerde ornalasqan eken. Áskerılerdiń boljamy boıynsha, sodyrlar qaladan osy baǵytpen shyǵyp ketýge tyrysady.
Aıdar О́risbaev.
Derekkóz: Itar-tass.com
