Úkimet basshysynyń aıtýynsha, otandyq densaýlyq saqtaý júıesin materıaldyq-tehnıkalyq jáne kadrlyq qamtamasyz etýdi kúsheıtý boıynsha sharalar qabyldanýda. Halyqqa erikti negizde, tegin koronavırýsqa qarsy vaksınasııa jasaý qamtamasyz etiledi. Ulttyq sanıtarııalyq-epıdemıologııalyq qyzmettiń reformasy jáne sıfrlandyrýy júrgiziledi. О́ńirlerde medısınalyq kómektiń qoljetimdiligi artady.
«Aýdandyq aýrýhanalar men perzenthanalarda medısınalyq jabdyqpen qamtamasyz etilý deńgeıi 70 paıyzǵa jetkiziledi. 33 feldsherlik-akýsherlik jáne medısınalyq pýnkt ashý, 2 ǵylymı ortalyq pen 8 kópsalaly aýrýhana salý josparlanǵan. Bastapqy medısınalyq-sanıtarlyq kómektiń progressıvti modelin jasaý jalǵasa beredi. Jalpy qabyldanǵan sharalar boljamdy ómir súrý uzaqtyǵyn 2021 jyly 73,3 jasqa ulǵaıtýǵa múmkindik beredi», dedi Asqar Mamın.
