Elimizdiń bas qalasy –Astanada «Qazaq sózdigi» atty bir tomdyq túsindirme sózdigi jınaǵynyń tusaýkeser rásimi boldy. Bul týraly «24 kz» habarlady.
Bul qundy jınaq Mádenıet jáne aqparat mınıstrliginiń qoldaýymen jaryqqa shyqty. Al osy ýaqyt aralyǵyna deıin 80 myń sóz ben sóz tirkesin qamtyǵan «О́zbek tiliniń túsindirme sózdigi», qyrǵyzdardyń 50 myń sóz ben sóz aıqyshyn qamtyǵan eki tomdyq «Qyrǵyz tiliniń sózdigi», túrikterdiń 92 292 sózdi qamtyp, 122 423 sóz maǵynasy keltirilgen «Túrikshe sózdikteri» shyǵaryldy. Osy oraıda «Qazaq sózdigi» 106 myń ataý sóz ben 48 300 sóz tirkesin qamtyǵan biregeı sózdikke aınalyp otyr. Memleket basshysy osy sózdikke arnaǵan alǵy sózinde bylaı dedi: «Til – ultpen birge jasap, tolassyz tolyǵyp otyratyn qubylys. Qoldaryńyzǵa ustap otyrǵan «Qazaq sózdigi» - bizdiń memlekettik tilimizdiń túrki tilder tobyndaǵy eń baı til ekendigin aıǵaqtaıtyn biregeı basylym».
Osy qundy jınaqtyń mańyzy týraly Mádenıet jáne aqparat mınıstri M. Qul-Muhammed te óz pikirin bildirgen bolatyn: «Bul sózdikte 106 myń ataý sóz ben 48 300 sóz tirkesi qamtylyp otyr. Jalpy aıtqanda, dúnıe júzindegi 30-dan astam túrki tilderiniń ishindegi eń baıy qazaq tili ekendigin dáleldeıtin basylym».
Baqytbek Keneshuly.
Derekkóz: «24 kz»
