«Qazir Tájikstanda koronavırýs joq, biz ony tolyǵymen joıdyq», - dedi memleket basshysy.
Soǵan qaramastan barlyq turǵyndar qaýipsizdik sharalaryn saqtaýy kerek ekenin atap ótti.
«Endigide bosańsymaı, jeke jáne qoǵamdyq gıgıena erejelerin saqtaýdy umytpaýymyz kerek», - dedi Rahmon.
Prezıdenttiń aıtýynsha, Tájikstan úkimeti ótken jyly Ulttyq densaýlyq saqtaý júıesin qoldaýǵa 1,6 mıllıard somonı (145 mıllıon dollardan astam) bóldi, al elde shuǵyl túrde 30-ǵa jýyq jańa aýrýhanalar paıdalanýǵa berildi.
«Koronavırýs pandemııasymen kúresý úshin COVID-19 juqtyrǵan naýqastarǵa 7000-nan astam jańa aýrýhanalyq tósek-jabdyq uıymdastyryldy, olarǵa 5400 medısına qyzmetkeri qyzmet kórsetti», - dedi memleket basshysy.
Densaýlyq saqtaý mınıstrliginiń málimetinshe, Tájikstanda 15 kúnnen beri koronavırýstyq ınfeksııanyń jańa jaǵdaıy tirkelmegen.
